انڈیا کے زیر انتظام کشمیر میں مسافروں سے بھری بس کے کھائی میں گرنے سے کم از کم 33 افراد ہلاک جبکہ 22 زخمی ہو گئے ہیں۔
حکام کے مطابق یہ واقعہ پیر کی صبح کشمیر کے علاقے کشتواڑ میں پیش آیا۔ اس میں زخمی ہونے والے سات افراد کی حالت تشویش ناک ہے۔
خبر رساں ادارے اے ایف پی کے مطابق خستہ حال سڑکوں اور پہاڑی علاقے پر مشتمل جموں و کشمیر کی شمالی ریاست میں ایک ہفتے کے دوران یہ دوسرا ایسا حادثہ پیش آیا ہے۔
خیال رہے کہ گزشتہ ہفتے کشمیر کے ضلعے شوپیاں میں پیش آنے والے ایک حادثے میں 11 طلبا ہلاک ہو گئے تھے۔ میڈیا رپورٹس کے مطابق پیر کو حادثے کا شکار ہونے والی بس اوور لوڈڈ تھی۔
