ابوظبی کے ولی عہد بچی سے ملنے گھر کیوں پہنچے؟

ننھی عائشہ ولی عہد سے مصافحہ کرنے کی کوشش میں ناکام رہی تھی (فوٹو: امارات الیوم)
ابوظبی کے ولی عہد اور اماراتی افواج کے نائب سربراہ اعلیٰ شیخ محمد بن زاید آل نہیان پیر کوامارات کے 48 ویں قومی دن پر ننھی بچی عائشہ محمد مشیط المزروعی سے ملنے اس کے گھر پہنچ گئے۔ 
الامارات الیوم کے مطابق سعودی ولی عہد نائب وزیراعظم و وزیر دفاع شہزادہ محمد بن سلمان امارات کے دورے پر ابوظبی پہنچے تھے تو ننھی عائشہ نے ابوظبی کے ولی عہد سے مصافحہ کرنے کی کوشش کی لیکن وہ اس میں ناکام رہی تھی۔

عائشہ محمد اپنے ملک کے رہنما کو اچانک  گھر میں دیکھ کر خوشی سے سرشار ہوگی (فوٹو: امارات الیوم)

رپورٹ کے مطابق شیخ محمد بن زاید آل نہیان نے جب وڈیو کلپس دیکھا تو ان کی نظر بچی پر پڑی۔ انہوں نے فیصلہ کیا کہ وہ خود بچی سے ملاقات کریں گے۔ 
عائشہ محمد اپنے ملک کے رہنما کو اچانک اپنے گھر میں دیکھ کر خوشی سے سرشار ہوگئی۔ اس کی حیرت کی انتہا نہیں تھی کہ شیخ محمد بن زاید آل نہیان خود اس سے ملنے گھر آئے ہیں۔

شیئر: