’ہائے ہائے، کیا زمانہ آ گیا ہے‘

دل ہی دل میں سوچتے، گنگناتے ہوئے یا پھر زبان پہ لا کر کچھ مرد اپنے دل کی باتوں کو دبا نہیں سکتے۔

یہ نہ صرف ان کا بلکہ اس معاشرے کا بھی قصور ہے کہ ہر کسی کو اس بات کی اجازت دیتا ہے کہ وہ راہ چلتی خاتون پر لفظوں کے تیر چلائے۔

خواتین بھی اسی معاشرے کا حصہ ہیں، انہیں بھی گھر سے نکلنا پڑتا ہے لیکن بلیڈ کی طرح جسم میں اترتی نظریں ہوں، کچھ مخصوص الفاظ یا پھر اشارے، خواتین کو روز ہی ان سے واسطہ پڑتا ہے۔

مرد کوئی بھی جملہ اچھال کر گزر جاتے ہیں مگر عورت کے لیے یہ سب کتنا اذیت ناک ہوتا ہے یہ شاید ہی کوئی سمجھ سکے۔

اگر آپ کا بھی یہی خیال ہے تو پھر سنبھالیے اپنی کمان، اور کھینچیے تیر، عورتیں حاضر ہیں۔