منی لانڈرنگ کے الزام میں 10 غیرملکی گرفتار

سعودی عرب میں منی لانڈرنگ اور سعودی شہریوں کے نام سے اپنا کاروبار کرنے والے دس غیر ملکیوں کو گرفتار کیا گیا ہے۔

اخبار 24 کے مطابق وزارت تجارت نے یہ کارروائی جدہ پولیس کی مدد سے ایک سعودی شہری کی اطلاع پر کی ہے۔

سعودی شہری نے اطلاع دی تھی کہ غیر ملکی کارکن پرانی عمارت کے ایک فلیٹ کو غیر قانونی سرگرمیوں کے لیے استعمال کر رہے ہیں۔

پولیس نے مشکوک غیر ملکیوں کو پولیس سٹیشن طلب کرکے پوچھ گچھ کی۔ رپورٹ درست ثات ہونے پرغیرملکیوں کو گرفتار کرلیا گیا۔ 

یاد رہے کہ منی لانڈرنگ سعودی قانون کے مطابق جرم ہے۔

سعودی عرب میں منی لانڈرنگ پر 15 برس تک قید اور 70 لاکھ ریال تک کے جرمانے کی سزا مقرر ہے۔ ان دونوں میں سے کسی ایک سزا پر بھی اکتفا کیا جا سکتا ہے۔