Sorry, you need to enable JavaScript to visit this website.

عمرہ ویزہ پر عائد پابندی کب تک ختم ہونے کا امکان ہے؟

حفاظتی اقدامات کے طور پر عمرہ زائرین پر پابندی عائد ہے (فوٹو: اے ایف پی)
قارئین اردونیوز کی جانب سے سعودی عرب آمد ورفت کے حوالے سے مختلف موضوعات پرسوالات کا سلسلہ جاری ہے۔ بیشتر افراد کی جانب سے جو سوالات موصول ہورہے ہیں وہ موجودہ حالات کے بارے میں ہیں جن میں دریافت کیا جارہا ہے کہ وہ ان حالات میں کب تک اور کس طرح سعودی عرب آسکتے ہیں۔
عبدالخالق صاحب کا پوچھنا ہے کہ جدہ سے پاکستان کے لیے ٹکٹ نہیں مل رہے، اس بارے میں رہنمائی کریں؟
جواب: سعودی عرب سمیت متعدد ممالک نے کورونا وائرس سے بچاؤ کے لیے حفاظتی اقدامات کے حوالے سے بیرون مملکت فضائی سروسز پر پابندی عائد کی گئی ہے اسی طرح پاکستان میں بھی پروازوں کی آمدورفت محدود کر دی گئی ہے۔ آپ نے سوال میں یہ بات واضح نہیں کی کہ آپ عمرہ زائر ہیں یا اقامہ پر مملکت میں مقیم ہیں۔
اطلاعات کے مطابق فضائی سروسز پر پابندی عارضی طور پر عائد کی گئی ہے جو حفاظتی اقدامات کے پیش نظر ہے اس حوالےسے توقع ہے کہ یکم اپریل سے فضائی سروسز بحال ہوجائیں گی۔
تاہم جہاں تک فضائی ٹکٹوں کے حوالے سے آپ کا سوال ہے تو ایئرلائنز کی جانب سے فراہم کی جانے والی آن لائن بکنگ کی سہولت یکم اپریل سے باقاعدہ ’شو‘ ہوں گی۔ یکم اپریل سے قبل آن لائن بکنگ دستیاب نہیں ہے۔
اس حوالے سے ریاض میں متعین پاکستان کے سفیر راجہ علی اعجاز نے پریس کانفرنس میں اعلان کیا تھا کہ ’پاکستان کےلیے سعودی حکام سے خصوصی طور پرمزید دو ہفتے کی اضافی مہلت حاصل کر لی گئی ہے جس کے مطابق مملکت میں رہنے والے اقامہ ہولڈر بھی وطن جاسکتے ہیں۔‘


عمرہ زائرین پر پابندی کا مقصد بھی لوگوں کی جانوں کی حفاظت ہے (فوٹو: اے ایف پی)

عمرہ ویزہ پر عائد پابندی کب ختم ہوگی؟

سید نشاط جمیل نے پوچھا ہے کہ عمرہ ویزہ پر عائد پابندی کب تک ختم ہونے کا امکان ہے؟
جواب: اس حوالے سے ابھی تک سعودی اداروں کی جانب سے کسی قسم کی حتمی بات سامنے نہیں آئی ہے جیسے ہی سرکاری طور یا سعودی وزارت حج و عمرہ کی جانب سے اس کا اعلان ہو گا ’اردونیوز‘ میں فوری طور پر مصدقہ اطلاع فراہم کردی جائے گی۔
کورونا وائرس کے حوالے سے حالیہ حالات کودیکھتے ہوئے سعودی حکام کی جانب سے بہترین اقدامات کیے جارہے ہیں، حفاظتی اقدامات کے طورپرسب سے پہلے تمام تعلیمی اداروں کو عارضی طور پر بند کیا گیا بعدازاں سرکاری اداروں  میں بھی ملازمین کو دو ہفتے کے لیے چھٹی دے دی گئی ۔عمرہ زائرین پر پابندی کا مقصد بھی لوگوں کی جانوں کی حفاظت ہے۔
اداروں کو بند کرنے کا مقصد کورونا وائرس پرقابو پانا ہے۔ وائرس پر قابو پانے اور بیماری کی روک تھام کے بعد امید ہے کہ جلد ہی عمرہ ویزہ پر سے پابندی اٹھا لی جائے گی تاہم ابھی تک اس حوالے سے ابھی تک کوئی حتمی بات نہیں کی جاسکتی۔ 

شیئر: