Sorry, you need to enable JavaScript to visit this website.

دو ہفتے تک ملاقاتیوں سے معذرت

سعودی حکومت نے مقامی شہریوں اور مقیم غیر ملکیوں کو احتیاطی تدبیر کے طور پر 14 دن تک گھروں میں رہنے کی ہدایت کی ہے اور کہا ہے کہ انتہائی ضرورت کے تحت ہی گھروں سے نکلیں۔
اخبار 24 اور سبق ویب سائٹ کے مطابق سعودی شہری نے حکومت کی اس ہدایت پر عمل کے لیے انوکھا طریقہ اختیار کیا ہے۔ 
سعودی شہری  نے اپنے  گھر کے مرکزی دروازے پر بینر آویزن کردیا جس پر تحریر ہے کہ ’حکومت کی ہدایت پر عمل کرتے ہوئے دو ہفتے تک ملاقاتیوں کے استقبال سے معذرت خواہ ہیں۔ آپ سے حسن فہم کے طلب گار ہیں۔ اللہ وطن عزیز اور ہم وطنوں کی پاسبانی کرے‘۔
 ذرائع سے پتہ چلا ہے کہ مقیم غیر ملکی اور سعودی شہری ان دنوں اپنے اپنے گھروں تک خود کو  محدود کیے ہوئے ہیں۔
دعوتوں اور سماجی تقریبات کا سلسلہ مکمل طور پر بند ہے۔ حکومتی ہدایات پرعملدرآمد کے باعث سعودی عرب میں کورونا وائرس سے بچاﺅ کے اقدامات موثر ثابت ہورہے ہیں۔

شیئر: