Sorry, you need to enable JavaScript to visit this website.

زائد المیعاد غذائی اشیا فروخت کرنے پر سعودی تاجر کی تشہیر

عدالت نے تشہیر کے علاوہ سامان ضبط اور تاجر کو جرمانہ کی سزا بھی سنائی ہے ( فوٹو: ٹوئر)
وزارت تجارت نے زائد المیعاد غذائی اشیا فروخت کرنے والے تاجر کے خلاف کارروائی کرتے ہوئے مقامی اخبارات میں اس کی تشہیر کردی ہے۔
سبق ویب سائٹ کے مطابق وزارت تجارت نے کہا ہے کہ ’سعودی تاجر ابو بکر بن عمر بن محمد باقبص پر اپنی دکان اور گودام میں انسانی صحت کے لیے مضر زائد المیعاد غذائی اشیا فروخت کرنے کاالزام عائد کیا گیا تھا‘۔
وزارت نے کہا ہے کہ ’تفتیشی ٹیموں نے زائد المیعاد غذائی اشیا ضبط اور تاجر کو گرفتار کر کے مکہ مکرمہ کی عدالت میں پیش کیا تھا‘۔
وزارت نے بتایا ہے کہ ’الزام ثابت ہونے پر عدالت نے مقامی اخبارات میں تاجر کی تشہیر، ضبط شدہ سامان تلف، جرمانہ اور دکان وقتی طور پر بند کرنے کا فیصلہ سنایا ہے‘۔
وزارت تجارت نے تاجروں کو زائد المیعاد اشیا فروخت کرنے یا طے شدہ ضوابط کی خلا ف ورزی سے خبر دار کرتے ہوئے کہا ہے کہ ’اس کی سزا 10 لاکھ ریال تک اور تین سال تک قید ہوسکتی ہے‘۔
وزارت صارفین سے اپیل کی ہے کہ ’جہاں کہیں بھی زائد المیعاد اشیا یا جعلی سامان فروخت ہوتا دیکھیں تو فوری طور پر وزارت کو مطلع کریں‘۔

شیئر: