پیٹرولیم مصنوعات کی قیمتوں میں مزید کمی

حکومت نے آئندہ ماہ کے لیے پیٹرولیم مصنوعات کی قیمتوں میں کمی کا اعلان کر دیا ہے۔ نئی قیمتوں کا اطلاق اتوار کی رات بارہ بجے سے ہو جائے گا۔

وزارت خزانہ کی جانب سے جاری کردہ اعلامیے کے مطابق پیٹرول کی فی لیٹر قیمت میں سات روپے چھ پیسے کمی کے بعد نئی قیمت 74 روپے 52 پیسے فی لیٹر ہو گئی ہے۔

ڈیزل کی قیمت پانچ پیسے اضافے کے بعد 80 روپے 15 پیسے فی لیٹر ہو گئی ہے جبکہ مٹی کے تیل کی قیمت میں 11 روپے 88 پیسے فی لیٹر کمی کی گئی ہے۔

مٹی کے تیل کی نئی قیمت 35 روپے 56 پیسے فی لیٹر ہو گئی ہے۔ لائٹ ڈیزل آئل کی فی لیٹر قیمت میں 9 روپے 37 پیسے کی کمی کی گئی ہے۔ لائٹ ڈیزل آئل کی نئی قیمت 38 روپے 14 پیسے فی لیٹر ہے۔

• واٹس ایپ پر پاکستان کی خبروں کے لیے ’اردو نیوز‘ گروپ جوائن کریں