رواں برس کنٹرول لائن پر انڈیا کا آٹھواں کواڈ کاپٹر مار گرایا گیا

پاکستان کی فوج نے لائن آف کنٹرول پر فضائی حدود کی خلاف ورزی کرنے پر انڈیا کا ایک اور کواڈ کاپٹر مار گرانے کا دعویٰ کیا ہے۔

فوج کے شعبہ تعلقات عامہ آئی ایس پی آر کے مطابق  جمعے کو لائن آف کنٹرول کے خنجرسیکٹر میں یہ واقعہ پیش آیا ہے۔

بیان  کے مطابق انڈیا کا کواڈ کاپٹر پاکستان کی حدود میں 500 میٹر تک ا ندر گھس آیا تھا۔

 اس سے قبل جمعہ 29 مئی کو نیکرن سیکٹر میں اور بدھ 27 مئی کو کنٹرول لائن کے ساتھ رکھ چکری سیکٹر میں  انڈیا کا کواڈ کاپٹر مار گرا یا تھا۔

 پاک فوج کی جانب سے اس سال کنٹرول لائن پر پاکستانی حدود میں گرائے جانے والا یہ  آٹھواں کواڈ کاپٹر ہے۔

انڈیا کی طرف سے ان واقعات پر ابھی تک کوئی ردعمل سامنے نہیں آیا۔

انٹیا کے زیر کنٹرول کشمیر کی خصوصی حیثیت ختم کیے جانے کے بعد سے پاکستان اور انڈیا کے درمیان کنٹرول لائن پر کشیدگی بڑھ گئی ہے۔