کورونا وائرس نظام ہضم پر بھی حملہ آور؟

نیشنل ریسرچ سینٹر کے سابق سربراہ ڈاکٹر ھانی الناظر نے خبردار کیا ہے کہ کورونا وائرس ان دنوں نظام ہضم پر حملہ آور ہورہا ہے۔  

عاجل ویب سائٹ کے مطابق ڈاکٹر الناظر نے مقامی شہریوں اور مقیم غیرملکیوں کو اس حوالے سے وائرس کے منفی اثرات سے بچنے کے  لیے متعدد مشورے دیے ہیں۔

انہوں نےکہا کہ ایک پلیٹ میں کھانے سے پرہیز کریں۔ عام طور پر عرب ممالک میں ایک ہی پلیٹ میں فول کھایا جاتا ہے۔ مجودہ حالات میں عرب اپنی یہ عادت ترک کردیں۔ 

شیشہ پینے سے پرہیز کریں۔ دکانوں میں بیٹھ کر شیشے کا استعمال  بند کردیں۔ 

کپڑوں کا تبادلہ نہ کریں۔

ڈاکٹر الناظر نے تاکید کی کہ سب لوگ وائرس سے بچاؤ کے لیے مقرر تدابیر کی پابندی کریں۔ ایسے کسی بھی شخص سے بات نہ کریں جو ماسک پہنے بغیر اونچی آواز میں بات کررہا ہو۔

سڑکوں پر فروخت کیے جانے والے مشروبات یا فاسٹ فوڈ بالکل نہ کھائیں۔

مصافحہ، پیار کرنے اور بغلگیر ہونے سے پرہیز کریں۔ 

ڈاکٹر ناظر نے توقع ظاہر کی کہ چند ماہ بعد کورونا وائرس کا زور ٹوٹ جائے گا اور آئندہ موسم سرما میں اس کی شدت کم ہوگی۔  

انہوں نے مزید کہاکہ ماسک کی پابندی ہر حال میں کریں کیونکہ یہ پہلی دفاعی لائن ہے۔ ماسک پہننے والے کو کورونا وائرس لگنا مشکل ہے۔ 

خود کو اپ ڈیٹ رکھیں، واٹس ایپ گروپ جوائن کریں