کویت: ٹائر سکریچنگ کرنے والوں کی ویڈیو وائرل

کویتی وزارت داخلہ نے الصبیہ کے علاقے میں ٹائر سکریچنگ کرنے والوں کو گرفتار کرکے پولیس آپریشن کی ویڈیو سوشل میڈیا پر ڈال دی-

سبق ویب سائٹ کے مطابق کویتی وزارت داخلہ نے ٹوئٹر کے اپنے پیج پر بتایا کہ پانچ نوجوان الصبیہ کے  علاقے میں  ٹائر سکریچنگ کر رہے تھے- انہوں نے پولیس کو اپنی طرف آتا دیکھ کر فرار ہونے کی کوشش کی جسے ناکام بنا دیا گیا-

پانچوں کو گرفتار کرکے محکمہ ٹریفک کے حوالے کر دیا گیا اور ان کی گاڑیاں بھی ضبط کر لی گئیں-

کویتی وزارت داخلہ نے ایک اور ٹویٹ میں کہا کہ ’سلوی‘ کے علاقے میں ٹائر سکریچنگ کرنے والے ایک اور نوجوان کو گرفتار کر لیا گیا- اس نے ٹائر سکریچنگ کے ساتھ قانون کا مذاق بھی اڑانے کی کوشش کی تھی- ٹائر سکریچنگ کی ویڈیوسوشل میڈیا پر ڈٓال دی تھی اب اسے گرفتار کرکے اس حوالے سے پوچھ گچھ کی جائے گی- اسے ٹریفک کورٹ میں پیش کیا جائے گا-

کویتی وزارت داخلہ نے انتباہ جاری کیا ہے کہ تفتیشی مہم جاری رہے گی- کسی کو بھی قانون سے کھیلنے کی اجازت نہیں دی جائے گی-

باخبر رہیں، اردو نیوز کو ٹوئٹر پر فالو کریں