سافٹ ڈرنک کمپنی پر 10 ملین ریال جرمانہ 

سعودی جنرل اتھارٹی فار کمپٹیشن نے کہا ہے کہ سافٹ ڈرنک فروخت کرنے والی معروف کمپنی پر کمپٹیشن کے قانون کی دو خلاف ورزیوں پر دس ملین ریال کا جرمانہ  کیا گیا ہے۔ یہ کمپنی سافٹ ڈرنک کی فروخت اور پیکنگ  میں سرگرم ہے۔  

اخبار 24  کے مطابق جنرل اتھارٹی فار کمپٹیشن نے کہا کہ کمپنی پر دس ملین ریال جرمانہ کیا گیا ہے۔ کمپنی نے پہلی خلاف ورزی یہ کی کہ مخصوص اقتصادی سرگرمی کی انجام دہی سے قبل اتھارٹی کی منظوری ضروری تھی۔ کمپنی نے منظوری نہ لے کر کمپٹیشن سسٹم کی خلاف ورزی کی۔  

دوسرا الزام کمپنی پر یہ تھا کہ اس نے سافٹ ڈرنک کی پیکنگ سے متعلق جغرافیائی تقسیم کی پابندی نہیں کی۔ یہ الزام بھی کمپنی پر ثابت ہو گیا تھا۔  

جنرل اتھارٹی فار کمپٹیشن نے کہا کہ کمپنی نے اپنے خلاف جرمانے کے فیصلے کو محکمہ جاتی عدالت کے سامنے چیلنج کیا تاہم عدالت نے تادیبی کمیٹی کے فیصلے کی حمایت کرتے ہوئے واضح کردیا کہ کمپنی دونوں مبینہ خلاف ورزیوں کی مرتکب ہوئے ہے اس کے باقاعدہ ثبوت ریکارڈ پر آچکے ہیں اور ہر خلاف ورزی پر اسے پانچ ملین ریال کے جرمانے کی سزا دی گئی ہے۔ اب اس فیصلے نے حتمی شکل اختیار کرلی ہے۔  

خود کو اپ ڈیٹ رکھیں، واٹس ایپ گروپ جوائن کریں