بلوچستان اسمبلی میں تحریک انصاف کے پارلیمانی لیڈر اورصوبائی وزیر تعلیم سردار یار محمد رند نے کہا ہے کہ بلوچستان اور سندھ کے جزائر کو وفاقی ملکیت میں لینے سے متعلق قانون سازی سے پہلے انہیں اعتماد میں نہیں لیا گیا۔ وفاقی حکومت کو اس معاملے پر بلوچستان کی حکومت اور جماعتوں کو اعتماد میں لینا چاہیے۔
کوئٹہ میں اردو نیوز سے خصوصی گفتگو کرتے ہوئے پی ٹی آئی کے صوبائی صدر کا کہنا تھا کہ جلسہ ایک جمہوری عمل ہے، اگر اپوزیشن قانون کے دائرے میں اور ایس او پیز پر عمل کرتے ہوئے جلسہ کرنا چاہتی ہے تو اس وقت جمہوری حکومت ہے ہمیں جلسے پر کوئی اعتراض نہیں مگر ان کو قانون ہاتھ میں لینے کی اجازت نہیں ملنی چاہیے۔
ان کا کہنا تھا کہ اپوزیشن جماعتیں عوام کے رد عمل سے خود پریشان ہیں۔ ’یہ وہ جماعتیں ہیں جو بلوچستان کے اندر بھی کئی کئی بار حکمرانی کرچکی ہیں مگر ڈیلیور نہیں کرسکیں۔ عوام کو یہ بھی پتہ ہے کہ یہ دوبارہ آکر بھی بلوچستان اور پاکستان کو لوٹنے کے سوا کچھ نہیں دینگے۔‘
مزید پڑھیں
-
وزیراعلی بلوچستان جام کمال بھی کورونا میں مبتلاNode ID: 511021
-
یہ پوسٹرز پیپلز پارٹی کے ہیں یا ن لیگ کے؟Node ID: 511891
-
نواز شریف کا سرپرائز!Node ID: 512016