جی ٹوئٹنی کانفرنس کے موقع پر ائیر شو کی تیاریاں

سعودی عربیئن ائیر لائن (السعودیہ) نے ورچوئل جی ٹوئٹنی کانفرنس کے موقع پر ائیر شو کی تیاریاں مکمل کرلیں۔

 سنیچر 21 نومبر کوسربراہ کانفرنس کے افتتاح کے موقع پر ائیر شو ہوگا۔

سبق ویب کے مطابق السعودیہ کے تین طیارے بوئنگ 777، بوئنگ 787 اور ائیر بس اے 320 ائیر شو میں حصہ لیں گے۔

اس موقع پرجی ٹوئنٹی کے قائد ملک سعودی عرب کے پرچم فضا میں لہرائے جائیں گے۔ قومی ائیرلائن السعودیہ  اور سعودی فضائیہ کے ہواباز ائیر شو میں حصہ لیں گے اور اپنی مہارت کا مظاہرہ کریں گے۔

یاد رہے کہ سعودی عرب نے جی ٹوئنی کی صدارت کے حوالے سے اپنا موٹو ’السدو‘ کی شکل کا بنایا ہے یہ ایک طرح کا صحرا نشینوں کا روایتی رومال ہے۔ سعودی کمپنی کے ماہرین نے اسے تیار کیا ہے۔