نواز شریف کی والدہ بیگم شمیم اختر کا لندن میں انتقال

میاں نواز شریف اور میاں شہباز شریف کی والدہ محترمہ وفات پا گئیں ہیں
Api jee Passed away
إِنَّا لِلّهِ وَإِنَّـا إِلَيْهِ رَاجِعونَ

— Attaullah Tarar (@TararAttaullah) November 22, 2020

مسلم لیگ کے رہنما اسحاق ڈار نے لندن میں میڈیا سے گفتگو میں کہا ہے کہ میاں نواز شریف علالت کی وجہ سے پاکستان میں اپنی والدہ کے جنازے میں شرکت نہیں کر سکیں گے۔

انہوں نے کہا کہ نواز شریف طبی وجوہات کہ وجہ سے سفر نہیں کر سکتے۔

ان کا کہنا تھا کہ بیگم شمیم اختر کی طبیعت چند دن سے خراب تھی اور ان کو ڈیمنشیا تھا۔

بیگم شمیم اختر کا انتقال برطانوی وقت کے مطابق اتوار کی صبح سات بجے ہوئی۔

پنجاب کے وزیر جیل خانہ جات فیاض الحسن چوہان نے کہا ہے کہ بیگم شمیم اختر کے انتقال پر نواز شریف اور حمزہ شہباز کو پیرول پر رہا کیا جا رہا ہے۔

پشاور میں پی ڈی ایم کے جلسے میں موجود مریم نواز کو ان کی دادی کے انتقال کی اطلاع کر دی گئی ہے۔

بیگم شمیم اختر رواں برس 15 فروری کو اپنے بڑے صاحبزادے نواز شریف سے ملاقات کے لیے لندن روانہ ہوئی تھیں۔

اطلاعات کے مطابق ان کی میت کل پیر کو لندن سے لاہور کے لیے روانہ کی جائے گی۔

ترجمان مسلم لیگ ن مریم اورنگزیب نے ایک بیان میں کہا کہ بیگم شمیم اختر کے انتقال پر پارٹی کی تمام سرگرمیاں معطل کر دی گئی ہیں۔

نواز شریف اور شہباز شریف کی والدہ کے انتقال پر وزیراعظم عمران خان اور آرمی چیف جنرل قمر جاوید باجوہ نے تعزیت کا اظہار کیا ہے۔

وزیراعظم عمران خان نے اپنی ٹویٹ میں کہا کہ وہ نواز شریف اور شہباز شریف کی والدہ کے انتقال پر شریف خاندان سے اظہار افسوس کرتے ہیں۔

آرمی چیف کا اپنے بیان میں کہنا تھا کہ اللہ تعالٰی مرحومہ کے درجات بلند کرے۔