انڈین کرکٹ کنٹرول بورڈ (بی سی سی آئی) کے صدر سورو گانگولی کو دل کا دورہ پڑا ہے اور انھیں کولکتہ کے ایک ہسپتال میں داخل کرایا گیا ہے۔
بنگال کی وزیراعلیٰ ممتا بینرجی نے ایک ٹویٹ میں ان کی دل کے دورے کی خبر پر افسوس کا اظہار کیا ہے اور ان کی جلد صحت یابی اور ان کے خاندان کے لیے نیک تمناؤں کا اظہار کیا ہے۔
Sad to hear that @SGanguly99 suffered a mild cardiac arrest and has been admitted to hospital.
Wishing him a speedy and full recovery. My thoughts and prayers are with him and his family!
— Mamata Banerjee (@MamataOfficial) January 2, 2021
اطلاعات کے مطابق گنگولی کو سینے میں بے چینی کے بعد ہسپتال میں داخل کیا گیا ہے۔
ٹائمز آف انڈیا کی رپورٹ کے مطابق سنیچر کو معمول کی ورزش کے بعد گنگولی نے سر چکرانے کی شکایت کی اور انھیں فوراً ہی وڈلینڈ ہسپتال لے جایا گيا جہاں یہ بتایا گیا کہ انھیں ’مائلڈ کارڈیک اریسٹ‘ ہوا ہے۔
اس تشخیص کے بعد اب ان کی اینجیوپلاسٹی ہونی ہے، اس کے ساتھ ہی دوسری طبی جانچ بھی کی جائے گی۔
سوشل میڈیا پر گنگولی کی جلد صحت یابی کی دعا کی جا رہی ہے۔ ان کے ساتھی اور انڈیا کے سابق اوپنر وریندر سہواگ نے لکھا کہ ’دادا جلدی سے ٹھیک ہونے کا۔ آپ کی جلد صحت یابی کے لیے دعاگو ہوں۔‘
Dada , jaldi se theek hone ka.
Praying for your quick and speedy recovery @SGanguly99 .— Virender Sehwag (@virendersehwag) January 2, 2021