امیر کویت نے کابینہ کا استعفیٰ منظور کر لیا

کویت کے امیر شیخ نواف الاحمد الجابر الصباح نے پیر کے روز وزیراعظم شیخ صباح الخالد الصباح اور ان کی کابینہ کے استعفے منظور کر لیے ہیں۔

کویت نیوز ایجنسی کے مطابق شیخ صباح کی کابینہ نئی حکومت کے قیام تک نگران کابینہ کے طور پر کام کرے گی۔

                                                                                                                                                  مزید پڑھیں

خیال رہے کہ وزیراعظم شیخ صباح الخالد نے پچھلے بدھ کو اپنی کابینہ کے استعفے امیر کویت کو پیش کیے تھے۔

 ایک سرکاری بیان میں کہا گیا تھا کہ ان کا یہ اقدام موجودہ صورتحال میں ہونے والی پیشرفت کی روشنی میں پارلیمنٹ اور حکومت کے مابین تعلقات کے بارے میں اور قومی مفاد کے لیے ہیں۔