اختلافات کے بعد اردن کے شاہ عبداللہ اور شہزادہ حمزہ پہلی مرتبہ اکھٹے منظرعام پر

اردن کے شاہ عبداللہ دوم اور ان کے سوتیلے بھائی شہزادہ حمزہ اختلافات کے بعد پہلی مرتبہ ایک ساتھ نظر آئے۔

عرب نیوز کے مطابق شاہ عبداللہ اور شہزادہ حمزہ ہاشمی سلطنت کے قیام کے سو سال پورے ہونے کے سلسلے میں منعقدہ ایک تقریب میں اکھٹے نظر آئے۔

شاہی محل کی جانب سے شاہ عبداللہ دوم، شہزادہ حمزہ، ولی عہد حسین اور دوسرے معززین کی ایک تصوریر جاری کی گئی ہے جس میں وہ امان میں شاہ طلال کی قبر پر اکھٹے فاتحہ پڑھتے نظر آرہے ہیں۔

خیال رہے گزشتہ ہفتے شاہی محل میں ہونے والے تنازعے کے بعد یہ پہلی مرتبہ ہے کہ شاہ عبداللہ دوئم اور شہزادہ حمزہ اکھٹے نظر آئے ہیں۔