مملکت کے بیشتر علاقوں میں آج سے گرمی بڑھے گی

سعودی عرب کی قصیم یونیورسٹی میں موسمیات کے سابق پروفیسر ڈاکٹر عبداللہ المسند نے کہا ہے کہ’ اتوار سے مملکت کے تمام علاقوں میں درجہ حرارت میں مسلسل غیرمعمولی اضا فے کا امکان ہے، اس سے جنوب مغرب کے پہاڑی علاقے مستثنی ہوں گے‘۔ 

اخبار 24 کے مطابق ڈاکٹر عبداللہ المسند نے کہا کہ’ درجہ حرارت ہفتے کے اختتام سے قبل کم ہوسکتا ہے‘۔ 

’سب سے زیادہ  گرمی سعودی عرب کے مشرقی علاقوں میں پڑے گی۔ وسطی علاقے دوسرے نمبر پر ہوں گے جبکہ مدینہ منورہ تیسرے نمبر پر ہوگا‘۔ 

انہوں نے کہا کہ’ مملکت میں اتوار کی صبح سب سے کم  درجہ حرارت 17.5 سینٹی گریڈ ابہا میں ریکارڈ کیا گیا‘۔

دوسرے نمبر پر خمیس مشیط اور طریف رہا جبکہ سنیچر کو سب سے زیادہ درجہ حرارت قیصومہ میں تھا جہاں 47 درجہ حرارت ریکارڈ کیا گیا تھا۔ قیصومہ کے بعد الاحسا کا نمبر رہا۔