اسلام آباد کے بعض علاقوں میں سیلابی صورتحال کے بعد امدادی کارروائیاں جاری ہیں لیکن اس کے ساتھ سوشل میڈیا پر یہ تنازع شروع ہو گیا ہے کہ آیا اتنا نقصان انتظامیہ کی جانب سے برساتی نالوں کی بروقت صفائی نہ کرنے کے نتیجے میں ہوا یا اچانک کلاؤڈ برسٹ اس کی وجہ بنا۔
منگل کی رات سے مسلسل جاری رہنے والی بارش کے نتیجے میں کئی نشیبی علاقے زیر آب آ گئے ہیں، سڑکوں پر پانی جمع ہے اور بعض جگہوں پر گھروں میں بھی پانی داخل ہو گیا ہے۔
ضلعی انتظامیہ کے مطابق اسلام آباد میں سیکٹر ای الیون کے ایک گھر کی بیسمنٹ میں پانی داخل ہو جانے کی وجہ سے ماں اور بچہ ہلاک ہو گئے ہیں۔
مزید پڑھیں
-
جازان اور طائف میں سیلاب، 3 افراد ہلاک، بارش کا امکانNode ID: 585256
بدھ کی صبح اسلام آباد کے ای الیون سیکٹر میں سیلاب کی کیفیت تھی اور بعض مقامات پر تو گاڑیاں بھی سیلانی ریلے میں تیرتی نظر آ رہی تھیں۔
اس حوالے سے ڈپٹی کمشنر اسلام آباد نے ایک ٹوئٹ میں بتایا کہ اسلام آباد میں کلاؤڈ برسٹ کی وجہ سے شہر کے مختلف علاقوں میں سیلاب آیا ہے۔ اپنے آفیشل اکاؤنٹ سے ٹویٹ کرتے ہوئے ڈپٹی کمشنر اسلام آباد حمزہ شفقات نے لکھا کہ’اسلام آباد میں بادل پھٹنے کے باعث مختلف علاقوں میں سیلاب آگیا ہے۔ ٹیمیں نالوں/سڑکوں کو صاف کررہی ہیں۔ امید ہے کہ ہم ایک گھنٹے میں سب کچھ کلئیر کردیں گے۔ سب سے درخواست ہے کہ وہ تعاون کریں اور غیر ضروری نقل و حرکت کو اگلے 2 گھنٹوں تک محدود رکھیں۔
اسلام آباد میں بادل پھٹنے کے باعث مختلف علاقوں میں سیلاب آگیا ہے۔ ٹیمیں نالوں / سڑکوں کو صاف کررہی ہیں۔ امید ہے کہ ہم ایک گھنٹہ میں سب کچھ کلئیر کردیں گے۔ سب سے درخواست ہے کہ وہ تعاون کریں اور غیر ضروری نقل و حرکت کو اگلے 2 گھنٹوں تک محدود رکھیں۔
— Office of Deputy Commissioner Islamabad (@dcislamabad) July 28, 2021
یہ کلاؤڈ برسٹ نہیں تھا: محکمہ موسمیات
دوسری جانب محکمہ موسمیات کے ترجمان ظہیر الدین بابر نے اردو نیوز سے بات کرتے ہوئے کہا کہ یہ کلاؤڈ برسٹ نہیں تھا بلکہ معمول کی مون سون کی بارش تھی جس میں شدت آتی رہتی ہے۔‘
انہوں نے بتایا کہ ’سیدپور کے علاقے میں صبح آٹھ بجے تک 123 ملی میٹر بارش ہوئی جو دن گیارہ بجے تک 128 ملی میٹر تک پہنچ گئی تھی جبکہ گولڑہ کے علاقے میں 106 ملی میٹر بارش ریکارڈ ہوئی ہے۔
انہوں نے مزید بتایا کہ’یہ شدید بارش تھی جو اب کم ہو گئی ہے، اسلام آباد کے اردگرد کے علاقوں میں بوندا باندی جاری ہے۔ راولپنڈی کے نالہ لئی میں بارش کی وجہ سے پانی کی سطح بلند ہو گئی جو اب کم ہو گئی ہے۔‘
وفاقی وزیرداخلہ شیخ رشید بھی نالہ لئی پہنچ گئے۔ انہوں نالہ لئی کی صورت حال کا جائزہ لیا اور کہا کہ ’اس وقت جہاں جہاں پانی ہے پاک فوج کے جوان وہاں آ چکے ہیں ، فوج ، واسا اور کارپوریشن سب الرٹ ہیں۔‘
انہوں نے کہا کہ ’زیادہ سے زیادہ 90 دن کے اندر نالہ لئی پر کام شروع ہو جائے گا۔‘
راولپنڈی : 28 جولائی
نالہ لئی میں آنے والی طغیانی کا جائزہ کے موقع پر میڈیا سے گفتگو کرتے ہوئے. https://t.co/Tc0IG0n2DJ pic.twitter.com/e8TRUS8d8F— Sheikh Rashid Ahmed (@ShkhRasheed) July 28, 2021
بعد ازاں دن گیارہ بجے قریب ڈپٹی کمشنر اسلام آباد نے اپنے نئے ٹوئٹ میں سب کچھ بحال ہونے کی اطلاع دیتے ہوئے کہا کہ میں موقع پر موجود ہوں۔
All cleared . I am on site https://t.co/JVI0yTQGpd pic.twitter.com/WcDSkbSkwP
— Office of Deputy Commissioner Islamabad (@dcislamabad) July 28, 2021
وزیراعظم عمران خان نے بھی اپنی ٹوئٹ میں شہریوں کو مون سون کے بارانی سلسلے کے دوران خصوصی احتیاط برتنے کی تاکید کی ہے۔
مون سون کےتیز بارانی سلسلےمیں اپنےشہریوں کو خبردار کرتےہوئےمیں انہیں خصوصی احتیاط برتنےکی تاکیدکررہا ہوں۔اس کے ساتھ میں نےاین ڈی ایم اےسمیت ہنگامی خدمات کی فراہمی کے ذمہ دار تمام اداروں کوکسی بھی ہنگامی صورتحال سےنمٹنےکیلئےپوری طرح چوکس اور تیار رہنےکےاحکامات بھی صادرکر دیےہیں۔
— Imran Khan (@ImranKhanPTI) July 28, 2021
بارش کے باعث اسلام آباد کے مختلف علاقوں میں سیلاب کی صورتحال پیش آئی تو سوشل میڈیا صارفین نے سماجی رابطے کی ویب سائٹ ٹوئٹر پر اسلام آباد کے مختلف علاقوں کی تصاویر اور ویڈیوز شئیر کرتے ہوئے حکومت کی جانب سے مناسب انتظامات نہ ہونے کے باعث ہونے والی مشکلات کا ذکرکیا۔
ٹوئٹر ہینڈل اسلام آباد نے ایسی ہی ایک ویڈیو اسلام آباد کے علاقے ای الیون کی شیئر کرتے ہوئے لکھا کہ یہ ای-الیون ہے، اسلام اباد کی موجودہ حالت۔
This is E-11, #Islamabad right now. @CDAthecapital pic.twitter.com/3YlwbS7Bn9
— Islamabadian (@Islaamabad) July 28, 2021
اسلام آباد کے علاقے ای ایلیون میں آنے والے سیلاب کی ویڈیو سامنے آئی تو جواب میں سوشل میڈیا صارفین نے حکومت کی جانب سے مناسب اقدامات نہ ہونے پر حکومت کو شدید تنقید کا نشانہ بنایا ، اسی حوالے سے ٹوئٹر صارف اسلامبادین نے لکھا کہ حکومت/سی ڈی اے کی ناقص کارکردگی ہی اس سیلاب کی وجہ ہے بادل بارش نہیں۔بارشوں نے سی ڈی اے کارکردگی کا کچا چھٹا کھول دیا کڑوڑوں روپے کے فنڈ کے باوجود نالے صاف نہ ہو سکےدرخت کاٹے جا رہے ہیں اور سیوریج سسٹم تباہ کر دیا ہے۔
حکومت/سی ڈی اے کی ناقص کارکردگی ہی اس سیلاب کی وجہ ہے بادل بارش نہیں۔
بارشوں نے سی ڈی اے کارکردگی کا کچا چھٹا کھول دیا
کڑوڑوں روپے کے فنڈ کے باوجود نالے صاف نہ ہو سکےدرخت کاٹے جا رہے ہیں اور سیوریج سسٹم تباہ کر دیا ہے۔ #Islamabad
— Islamabadian (@Islaamabad) July 28, 2021
ای الیون میں سیلاب کی صورتحال پر گفتگو آگے بڑھی تو صارفین سی ڈی اے کو شددید تنقید کا نشانہ بناتے ہوئے اسلام آباد کے مختلف علاقوں کی صورتحال کے بارے میں بھی تبصرے کرتے نظر آئے، ٹوئٹر ہینڈل کیو ایم کے نے لکھا کہ یہی حال جی الیون کا بھی ہونے والا ہے 20 سال سے نالے صاف نہیں کیئے گئےبار بار کمپلین کے باوجود کوئی صفائی نہیں کی گئی
@CDAthecapital
ہٹ دھرم ادارہ ہے یہی حال جی الیون کا بھی ہونے والا ہے 20 سال سے نالے صاف نہیں کیئے گئے
بار بار کمپلین کے باوجود کوئی صفائی نہیں کی گئی— QMK (@752e486df22f441) July 28, 2021