پاکستان میں حزب اختلاف کی جماعت پاکستان مسلم لیگ ن کی ترجمان کے مطابق پارٹی کی نائب صدر مریم نواز شریف کا کرونا ٹیسٹ پازیٹو آیا ہے۔
بدھ کو ایک ٹویٹ میں ترجمان مریم اورنگزیب نے بتایا کہ کورونا ٹیسٹ مثبت آنے کے بعد مریم نواز نے خود کو کورنٹین کر لیا ہے۔ ’مریم نواز شریف سمیت تمام مریضوں کی جلد صحت یابی کی دعا کی اپیل ہے۔‘مریم نواز شریف نے ٹوئٹر پر ایک صارف کا شکریہ ادا کرتے ہوئے لکھا کہ انہیں بخار م نزلہ اور کھانسی کی شکایت ہے جس کا گھر ہی پر علاج جاری ہے۔
Many thanks Kami and everyone sending prayers my way. Overwhelmed by outpouring of prayers & good wishes. Means a world. I have fever, cough and flu symptoms but am being treated at home. Thank you once again and Jazak’Allah https://t.co/w0U85yuQWh
— Maryam Nawaz Sharif (@MaryamNSharif) July 28, 2021
خیال رہے کہ مریم نواز شریف نے جولائی کے مہینے میں پاکستان کے زیر انتظام کشمیر میں الیکشن مہم کے دوران مختلف علاقوں میں جلسوں سے خطاب کیے تھے۔
وزیراعظم عمران خان کے معاون خصوصی شہباز گل نے بھی اپنی ٹوئٹ میں مریم نواز کی صحت یابی کی دعا کی ہے۔
ابھی پتہ چلا کہ آپا مریم صفدر کا کرونا ٹیسٹ پازیٹو آیا ہے۔ اللہ آپا کو صحت عطا فرمائے
— Dr. Shahbaz GiLL (@SHABAZGIL) July 28, 2021
