پبلک انویسٹمنٹ فنڈ اطالوی کار کمپنی کے مالکان میں شامل

سعودی ریاستی فنڈ  نے اٹلی کی کارساز کمپنی  Horacio Pagani  کے حصص خرید لیے- فنڈ نے  طویل المیعاد حکمت عملی کے تحت یہ  اقدام کیا ہے-

عاجل ویب سائٹ  کے مطابق باجانی فیملی کا کمپنی پر ہولڈ برقرار رہے گا جبکہ سعودی پبلک انویسٹمنٹ فنڈ اس کے حصص ہولڈرز میں شامل مانا جائے گا-

باجانی کمپنی کا ہیڈکوارٹر اٹلی کے شمال میں موڈینا میں واقع ہے- یہ کمپنی اٹلی کے سرمایہ کار اوراتشیو باجانی نے 1992 میں قائم کی تھی- کمپنی کے  ایگزیکٹیوچیئرمین نے پبلک انویسٹمنٹ فنڈ کو ہائپر کار کے سیکٹر میں منفرد تجارتی مارکہ رکھنے والی کمپنی کا مثالی ساتھی قرار دیا ہے-

اخباری رپورٹوں میں بتایا گیا ہے کہ سعودی پبلک انویسٹمنٹ فنڈ نے اطالوی کمپنی میں اپنے مشیر مقرر کیے ہیں-

پبلک فنڈ الیکٹرانک کار کے شعبے میں کئی برس سے زبردست دلچسپی دکھا رہا ہے- فنڈ نے 2018 میں امریکی کمپنی ٹسلا کے بھی کچھ حصص خریدے تھے- اس کے بعد لوسیڈ  کمپنی میں بھی سرمایہ لگایا ہے- اب اطالوی کار ساز کمپنی کے کچھ حصص سعودی انویسٹمنٹ فنڈ نے حاصل کیے ہیں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں