Sorry, you need to enable JavaScript to visit this website.

شاہ سلمان ریلیف سینٹر نے گلگت کے ایک ہزار خاندانوں میں اشیاء خورونوش كی تقسیم مکمل کرلی

کے ایس ریلیف سنٹر کی پریس ریلیز کے مطابق اس امدادی پیکیج سے متاثرہ علاقوں میں تقریباً  7 ہزار افراد مستفید ہوئے۔(فوٹو: کے ایس ریلیف)
شاہ سلمان ہیومینیٹیرین ایڈ اینڈ ریلیف سینٹر (کے ایس ریلیف) كی طرف سے گلگت بلتستان کے مختلف علاقوں میں امدادی پروگرام مکمل ہوگیا ہے۔
کے ایس ریلیف کی پریس ریلیز کے مطاب ایک ہزار فوڈ پیكیج كی تقسیم کا عمل غذر، دیامر اور استور کے متاثرین سیلاب میں مکمل کرلیا گیا ہے۔
امدادی پیکیج سے متاثرہ علاقوں میں تقریباً  7 ہزار افراد مستفید ہوئے، اس فوڈ پیكیج میں تمام ضروری اشیاء خورونوش شامل تھیں۔
 ایك فوڈ پیك 41 كلوگرام پر مشتمل تھا، جس میں 20 كلو فائن آٹا، 5 كلو چاول، 5 لیٹر كوكنگ آئل، 5 كلو دال چنا، 5 كلو چینی اور 1 كلو چائے شامل تھیں۔
یہ امدادی پیکیج پاکستان کی نیشنل ڈیزاسٹر منیجمنٹ اتھارٹی(این ڈی ایم اے) اور حیات فاؤنڈیشن كے تعاون سے گلگت بلتستان کے ضلع غذر، دیامر اور استور کے متاثرہ دیہاتوں میں شفاف طریقے سے متاثرین میں تقسیم كی گئیں۔
یہ پروجیکٹ سعودی عرب کے انسانی امداد کے منصوبوں کے تحت آتا ہے جس کی نمائندگی شاہ سلمان ہیومینیٹیرین ایڈ اینڈ ریلیف سینٹر کرتا ہے تاکہ سب سے زیادہ کمزور لوگوں کی مدد کی جا سکے۔

کے ایس ریلیف سنٹر کی پریس ریلیز کے مطابق اس امدادی پیکیج سے متاثرہ علاقوں میں تقریباً  7 ہزار افراد مستفید ہوئے۔(فوٹو: کے ایس ریلیف) 

خیال رہے کہ کے ایس ریلیف سنہ 2005 سے پاکستان کے تمام صوبوں میں قدرتی آفات سے متاثرہ افراد کے دکھوں کو کم کرنے کے لیے کام کر رہا ہے۔ اس نے 12 کروڑ 40 لاکھ ڈالر سے زائد مالیت کے کیمپ کوآرڈینیشن، فوڈ سکیورٹی، تعلیم، صحت اور پانی جیسے 120 مختلف منصوبوں کو مکمل کیا ہے۔

شیئر: