انار کے درخت کی عمر پچاس برس یا اس سے زیادہ ہوتی ہے- (فوٹو ایس پی اے)
تبوک کے کاشتکاروں نے انار کی فصل اتارنا شروع کردی- سال رواں 2021 کے آخر تک تبوک کے باغات انار مارکیٹ کو فراہم کرتے رہیں گے-
ایس پی اے کے مطابق تبوک میں 180 باغات ہیں ان میں 80 ہزار سے زیادہ انار کے درخت لگے ہوئے ہیں- جومختلف قسم اور اعلی معیار کے ہیں- ان میں اندرفل، ریڈانجل، عکا اور المنفلوطی قابل ذکر ہیں-
تبوک کے انار میں اندرفل، ریڈانجل، عکا اور المنفلوطی قابل ذکر ہیں- (فوٹو ایس پی اے)
تبوک کے باغات مقامی مارکیٹ کو سالانہ 30 لاکھ کلو گرام کے قریب انار فراہم کررہے ہیں-
انار کی کاشت قلم کاری پر منحصر ہے- 30 سینٹی میٹر تک کا اس کا پودا ہوتا ہے پھر اسے خاص شرائط والے کھیت میں لگایا جاتا ہے- اس کی تیاری میں دو برس یا اس سے زیادہ کا عرصہ لگتا ہے- اس کی قلم کاری خاص انداز میں ہوتی ہے- بیج کے ذریعے بھی غیر تجارتی طریقے سے اس کی کاشت کی جاتی ہے- عام طور پر موسم بہار یا پھر موسم خزاں کے اوائل میں انار کے درختوں کی کاشت کی جاتی ہے- انار کی پیداوار پندرہ سے بیس برس تک چلتی ہے- انار کے درخت کی عمر پچاس برس بلکہ اس سے زیادہ ہوتی ہے-
واٹس ایپ پر سعودی عرب کیخبروں کے لیے”اردو نیوز“گروپ جوائن کریں
