قصیم میں چوری میں ملوث 4 ایشیائی گرفتار
جمعرات 28 اکتوبر 2021 18:27
ملزمان سے مسروقہ سامان برآمد کرلیا گیا (فوٹو، ٹوئٹر)
قصیم ریجن میں پولیس نے عوامی ادارے میں لوٹ مار کرنے والے 4 غیرملکیوں کو گرفتار کرکے ان سے لوٹا ہوا سامان بازیاب کرلیا-
اخبار 24 کے مطابق القصیم پولیس کے ترجمان بدر السحیبانی نے بتایا کہ سیکیورٹی فورس کے اہلکاروں نے واردات کی اطلاع ملتے ہی جلد ہی انکا سراغ لگا لیا ـ
ریجنل ترجمان نے مزید بتایا کہ واردات میں چار ایشیائی ملوث تھے جن میں سے2 کا تعلق بنگلہ دیش، ایک انڈیا اور ایک کا پاکستان سے ہے- مذکورہ افراد عمر کے دوسرے اور تیسرے عشرے میں ہیں-
ترجمان میجر بدر السحیبانی نے مزید بتایا کہ ملزمان سے پولیس نے لوٹا ہوا سامان بھی بازیاب کرلیاہے-
السحیبانی نے توجہ دلائی کہ واردات کرنے والے چاروں ایشین کو حراست میں لے کر ابتدائی قانونی کارروائی کرکے پبلک پراسیکیوشن کے حوالے کردیا گیا-