جنوبی صحرا کے دل کو چھو لینے والے مناظر

سعودی عرب کے جنوبی صحرا کی تصاویر خوبصورت تجریدی آرٹ کے مناظر کی شکل پیش کرتے ہیں۔

یہ مناظر غروب آفتاب کے وقت لیے گئے ہیں۔ العربیہ کے مطابق ان مناظر میں صحرا کی سنہری ریت کو تا حد نگاہ تک دیکھا جا سکتا ہے۔

سعودی فوٹوگرافر سیاف الشہرانی نے سعودی عرب کے جنوب میں صحرا کے دلکش مناظر کو کیمرے کی آنکھ میں محفوظ کر لیا ہے۔

انہوں نے کہا ہے کہ ’صحرا میں سفر میرے لیے ایک خیالی تصور تھا۔ میں کیمرہ لیے اپنے دوستوں کے ساتھ شرورہ کا سفر شروع کیا‘۔

’ یہ سفر نجران سے جنوب میں تقریبا 350 کلومیٹر کا ہے، سنہری ریت اور دلفریب محل وقوع کی وجہ سے یہ علاقہ منفر مناظر سے بھرپور ہے‘۔

انہوں نے کہا ہےکہ ’جب ہم پر چل رہے تھے تو ہم ریت اور العروق نامی بڑے اور دشوار گزار ٹیلوں سے ہوتے ہوئے شمال کی طرف چلے جو تقریباً 90 کلومیٹر کے فاصلے پر قلعہ بئر خجیم، مغرب میں قلعہ بئر حمرا نثیل 80 کلومیٹر کی سفر پر واقع ہے‘۔

الشہرانی نے کہا ہے کہ ’3 سال سے صحرائی سفر کے لیے منصوبہ بندی کر رہے تھے۔ میں نے مملکت کے مختلف علاقوں کے اپنے سفر کے دوران صحرائی سفر کا آغاز کیا‘۔

’ میرے ساتھ اس سفر میں میرے کئی دوست بھی شامل رہتے ہیں۔ وہ بھی میری طرح صحرا کے سفرمیں دلچسپی رکھتے ہیں‘۔