دبئی مارکیٹ کئی ماہ سے پوری دنیا کے لیے کھلی ہوئی ہے۔
امارات الیوم نے بلومبرگ کی دبئی کی معیشت پر رپورٹ کے حوالے سے بتایا کہ’ ایکسپو دبئی 2020 معاشی صورتحال کے بہتر ہونے کا پتہ دے رہی ہے‘۔
رپورٹ میں کہا گیا کہ ’دبئی میں صحت نظام بہترین ہے۔ کورونا وائرس ڈیلٹا ویرینٹ کی لہر سے بچنے کے انتظامات موثر رہے ہیں‘۔
رپورٹ میں بتایا گیا ہے کہ ’یورپی ممالک میں کورونا سے متاثرین کی شرح بڑھ رہی ہے اور وہاں کی حکومتیں پھرسخت پابندیوں کا سہار لینے لگی ہیں جبکہ دبئی کا معاملہ مختلف ہے جہاں توقع سے کہیں زیادہ تیزی سے معیشت سنبھالا لے رہی ہے‘۔
دبئی میں گزشتہ دس برسوں کے دوران غیر منقولہ جائدادوں کا کاروباراتنا نہیں ہوا جتنا اب ہو رہا ہے۔ دبئی کی سڑکوں پر ٹریفک رش غیرمعمولی ہے اور خالی ٹیکسی بڑی مشکل سے ملتی ہے۔
ایکسپو دبئی دیکھنے کے لیے نہ صرف یہ کہ ریاست کے باشندے بڑی تعداد میں پہنچ رہے ہیں بلکہ سیاح بھی دیگر ملکوں میں پا بندیوں کے ماحول سے چھٹکارا حاصل کرنے کے لیے ایکسپو دبئی سے لطف اٹھانے کےلیے آرہے ہیں۔
اکتوبر میں دبئی کے ہوٹل 82 فیصد تک مصروف رہےجو گزشتہ سال کے مقابلےمیں ساٹھ فیصد زیادہ ہیں(فوٹو ٹوئٹر)
دوسری طرف وبا کی نئی لہر نے آسٹریلیا اور یورپ کے متعدد ملکوں نے بے چینی پیدا کردی ہے۔
متحدہ عرب امارات اب تک کورونا کی وبا کی نئی لہر سے محفوظ ہے۔ یہاں کی نوے فیصد آباد ی ویکسین یافتہ ہے جبکہ اییسے زمروں کو جو وائرس کا شکار تیزی سے ہوسکتے ہیں انہیں بوسٹر ڈوز بھی دی جا رہی ہے۔
بلومبر گ نے رپورٹ میں کہا کہ ’اکتوبر میں دبئی کے ہوٹل 82 فیصد تک مصروف رہےجو گزشتہ سال کے مقابلےمیں ساٹھ فیصد زیادہ ہیں‘۔
’سال رواں کے دوران مکانات کے کرائے 2015 کے مقابلے میں تیزی سے بڑھے ہیں۔ گزشتہ برس کے اگست کے مقابلے میں اس سال مکانات پر حاصل کرنے کا حجم 77 فیصد بڑھا ہے۔ 2019 کے مقابلےمیں 56 فیصد اضافہ ہوا ہے‘۔
’سعودی سٹاک مارکیٹ اب مملکت کی پوری معیشت سے بڑی‘Node ID: 618011
ایکسپو دبئی، سعودی پویلین میں 10 لاکھ وزیٹرز کی آمد کا ریکارڈNode ID: 619981
