پیر 31 جنوری کو پاکستانی روپے کا ایکسچینج ریٹ

امریکی ڈالر کے مقابلے میں پاکستانی روپے کی قدر میں معمولی بہتری ریکارڈ کی گئی ہے۔

سٹیٹ بینک آف پاکستان کے مطابق پیر کے روز انٹربینک مارکیٹ میں ڈالر کے مقابلے میں روپے کی قدر میں پانچ پیسے کا اضافہ ریکارڈ کیا گیا ہے۔

گزشتہ کاروباری ہفتے کے آخری روز انٹربینک مارکیٹ میں پاکستانی روپے کے مقابلے میں ڈالر کی قدر 176.77 رہی تھی جو پیر کو کم ہو کر 176.72 ہو گئی ہے۔

روپے کے مقابلے دیگر اہم کرنسیوں میں سے سعودی ریال کی قدر 47.10، اماراتی درہم 48.11، برطانوی پاؤنڈ 237.47، کویتی دینار 583.14، عمانی ریال 459، بحرینی دینار 468.80 اور کویتی دینار 583.14 رہی۔

دوسری جانب اوپن مارکیٹ میں پاکستانی روپے کے مقابلے میں ڈالر کی قیمت خرید 177.2 اور قیمت فروخت 178.5 روپے رہی۔

اوپن مارکیٹ میں سعودی ریال کی قیمت خرید 46.9 اور قیمت فروخت 47.4، اماراتی درہم کی قیمت خرید 49.2 اور قیمت فروخت 49.7، برطانوی پاؤنڈ کی قیمت خرید 236.5 اور قیمت فروخت 238.75 روپے رہی۔