پاکستان میں روپے کے مقابلے میں ڈالر کی کمی کا سلسلہ کاروباری ہفتے کے آخری دن بھی جاری رہا۔
سٹیٹ بینک آف پاکستان کے مطابق جمعہ کے روز روپے کے مقابلے میں ڈالر کی قدر میں 1.04 روپے کی کمی ریکارڈ کی گئی۔
گذشتہ روز روپے کے مقابلے میں ڈالر کی قیمت 175.52 روپے تھی جو 1.04 روپے کی کمی کے بعد 174.48 روپے پر آپہنچی ہے۔
واضح رہے رواں کاروباری ہفتے میں روپے کے مقابلے میں ڈالر کی قیمت میں مجموعی طور پر 2.27 روپے کی کمی ہوئی ہے۔
انٹربینک مارکیٹ میں 4 فروری کو سعودی ریال کی قدر 46.50، اماراتی درہم 47.50، برطانوی پاؤنڈ 237.05، بحرینی دینار 462.82، عمانی ریال 453.20، کویتی دینار 577.17 روپے رہی۔