ہندوستان کے نامور موسیقار نوشاد نے اپنی فلم ’چاندنی رات‘ کے گیت گانے کے لیے ایک نوآموز گلوکارہ کو اپنے سٹوڈیو بلوایا۔ اتفاق سے اس وقت بمبئی میں شدید بارش ہو رہی تھی۔ مگر وہ لڑکی بارش کی پرواہ کیے بغیر سٹوڈیو پہنچی تو اس کی چپل بارش کے پانی میں بھیگنے کی وجہ سے ٹوٹ چکی تھی۔
اس نے پاؤں ساڑھی میں چھپا لیے تاکہ اس کی غربت کسی پر ظاہر نہ ہو۔ اتفاق سے نوشاد کی نظر اس کی ٹوٹی چپل پر پڑ گئی۔ ان کی آنکھیں بھیگ گئیں۔ انہیں اپنا ماضی یاد آیا جب وہ خستہ لباس میں بمبئی کی سڑکوں پر خاک چھانتے پھرتے تھے۔
انہوں نے اس لڑکی کے کپڑے بدلوائے اور گرم چائے پلائی۔ ٹوٹی چپل کے ساتھ اس کے ریکارڈ کروائے گیتوں کی تازگی، نغمگی اور کھنک نے موسیقی کی دنیا میں ہلچل مچا دی۔ چہار سو اس کے رسیلے گیتوں اور نشیلی آواز کا شہرا ہوگیا۔
مزید پڑھیں
-
’اچھا تو ہم چلتے ہیں‘، سُروں کی ملکہ لتا منگیشکر انتقال کر گئیںNode ID: 642066
-
انڈیا کی بُلبل لتا منگیشکر کی زندگی کا سفر تصاویر میںNode ID: 642091