عادل الجبیر سے عرب جرمن فرینڈز سوسائٹی کے وفد کی ملاقات 

سعودی وزیر مملکت برائے امور خارجہ و رکن کابینہ عادل الجبیر سے اتوار کو دفتر خارجہ ریاض میں عرب جرمن فرینڈز سوسائٹی کے وفد نے ملاقات کی ہے۔

سرکاری خبر رساں  ایجنسی ایس پی اے کے مطابق ملاقات میں سعودی جرمن تعلقات کا جائزہ لیا گیا۔ اس حوالے سے دونوں ملکوں کے تعلقات کے مختلف پہلوبھی زیر بحث آئے ہیں۔

 علاقائی و بین الاقوامی سطح پر اہم مسائل، مملکت کے موقف پر تبادلہ خیال اور باہمی دلچسپی کے متعدد امور پر نکتہ ہائے نظر کا تبادلہ کیا گیا ہے۔ 

اس موقع پر سیکریٹری سفارتی امور فہد ابو النصر بھی موجود تھے۔