امارات میں کورونا کے نئے کیسز 300 سے کم، کوئی ہلاکت نہیں ہوئی
امارات میں کورونا کے نئے کیسز 300 سے کم، کوئی ہلاکت نہیں ہوئی
پیر 14 مارچ 2022 19:02
چوبیس گھنٹے میں کورونا کے 2 لاکھ 54 ہزار579 ٹیسٹ کیے گئے(فوٹو وام)
متحدہ عرب امارات میں کورونا کے نئے کیسز میں کمی کا سلسلہ جاری ہے۔ پچھلے چوبیس گھنٹے میں 296 نئے مریض سامنے آئے ہیں۔
وزارت صحت کے مطابق سنیچر 14 مارچ کو گذشتہ چوبیس گھنٹے کے دوران کورونا کے 2 لاکھ 54 ہزار579 ٹیسٹ کیے گئے۔
امارات کے سرکاری خبر رساں ادارے ’وام‘ نے وزارت صحت کے حوالے سے بتایا کہ’ نئے کیسز کے بعد متاثرین کی کل تعداد 8 لاکھ 85 ہزار703 تک پہنچ گئی ہے‘۔
صحت یاب ہونے والوں کی تعداد 8 لاکھ 52 ہزار306 ہوگئی ہے۔(فوٹو وام)
بیان میں کہا گیا کہ ’گذشتہ 24 گھنٹوں کے دوران 980 افراد صحت یاب ہوئے ہیں۔ صحت یاب ہونے والوں کی تعداد بڑھ کر8 لاکھ 52 ہزار306 ہوگئی ہے۔‘
’ گزشتہ ایک ہفتے میں کورونا کے زیرعلاج مریضوں میں سے کوئی ہلاکت نہیں ہوئی، مرنے والوں کی کل تعداد دو ہزار302 ہے‘۔
علاوہ ازیں وزارت صحت نے بیان میں کہا کہ ’گذشتہ 24 گھنٹوں کے دوران کورونا ویکسین کی مزید 42 ہزار836 خوراکیں دی گئی ہیں۔ اب تک 2 کروڑ 43 لاکھ 21 ہزار 168 خوراکیں دی جاچکی ہیں۔
