سعودی عرب میں 15 ہزار سے زیادہ غیر قانونی تارکین گرفتار
’79 افراد کو گرفتار کیا گیا ہے جو سرحد عبور کر کے بیرون ملک جانے کی کوشش کر رہے تھے‘ (فوٹو: سبق)
سعودی عرب میں گزشتہ ہفتہ 15 ہزار 209 غیر قانونی تارکین وطن گرفتار ہوئے ہیں۔
سعودی پریس ایجنسی کے مطابق یہ گرفتاریاں دو جون سے 8 جون 2022 تک ہونے والی کارروائیوں کے دوران ہوئی ہے۔
غیر قانونی تارکین کے خلاف کام کرنے والی مشترکہ کمیٹی نے کہا ہے کہ ’گرفتار شدگان کی کل تعداد میں سے 9337 افراد اقامہ قوانین کی خلاف ورزی کر رہے تھے‘۔
’اسی طرح 3996 افراد سرحدی قوانین کی جبکہ 1876 افراد لیبر قوانین کی خلاف ورزی میں ملوث تھے‘۔
کمیٹی نے کہا ہے کہ ’186 افراد کو ملک کی سرحد عبور کرنے کی کوشش کرتے ہوئے گرفتار کیا گیا ہے‘۔
’ان میں سے 40 فیصد یمنی، 49 فیصد ایتھوپی اور 11 فیصد دیگر ملکوں کے تارکین ہیں‘۔
’اسی طرح 79 افراد کو بھی گرفتار کیا گیا ہے جو سرحد عبور کر کے بیرون ملک جانے کی کوشش کر رہے تھے‘۔
کمیٹی نے کہا ہے کہ ’غیر قانونی تارکین کو سہولت فراہم کرنے پر 11 افراد کو گرفتار کیا گیا ہے‘۔
گیس سلینڈر کی قیمت اضافہ، آج سے 18.85 ریال میں فروختNode ID: 676576
4 لاکھ حج درخواستیں موصول، اندراج کا آخری دن آجNode ID: 676601
