Sorry, you need to enable JavaScript to visit this website.

وزیراعظم شہباز شریف آج سعودی عرب کے دورے پر روانہ ہوں گے

دورے میں وزیراعظم شہباز شریف کی سعودی فرمانروا شاہ سلمان بن عبدالعزیز سے ملاقات بھی متوقع ہے۔ (فوٹو: ایس پی اے)
وزیر اعظم شہباز شریف پیر کو سعودی عرب کے دو روزہ دورے پر روانہ ہوں گے۔
سعودی عرب میں پاکستان کے سفیر امیر خرم راٹھور نے اردو نیوز  سے گفتگو میں وزیراعظم کے دورہ سعودی عرب کی تصدیق کی۔
انہوں نے بتایا کہ وزیراعظم پیر کو سعودی عرب پہنچیں گے۔   
دورے کے دوران وزیراعظم شہباز شریف کی سعودی ہم منصب اور ولی عہد شہزادہ محمد بن سلمان سے ملاقات متوقع ہے۔
وزیراعظم سعودی سرمایہ کاری کے حوالے سے منعقد ہونے والی کانفرنس میں شریک ہوں گے۔
دورے میں وزیراعظم شہباز شریف کی سعودی فرمانروا شاہ سلمان بن عبدالعزیز سے ملاقات بھی متوقع ہے۔
خیال رہے وزیراعظم شہباز شریف نے وزاعظم منتخب ہونے کے بعد اپنا پہلا غیر ملکی دورہ سعودی عرب کا کیا تھا جس کے دوران ان کی سعودی قیادت بشمول شاہ سلمان اور ولی عہد شہزادہ محمد بن سلمان سے ملاقاتیں ہوئی تھیں۔
 

شیئر: