ٹوئٹر پر ماں بیٹی کے گانے ’ہر ظلم تیرا یاد ہے‘ کا چرچا 

سماجی رابطوں کی ویب سائٹ ٹوئٹر پر ایک ماں اور بیٹی کے گائے گئے گانے کی ویڈیو کو خوب پسند کیا جارہا ہے۔
اتوار کے روز شانزے بشارت نامی ایک خاتون سنگر کی جانب سے ویڈیو اپلوڈ کی گئی جس میں وہ اپنی والدہ کے ساتھ گلوکار سجاد علی کا بلاک بسٹر گانا ’ہر ظلم گا رہی ہیں۔‘

شانزے نے اپنی ٹویٹ میں لکھا کہ ’ساحل پے کھڑے ہو، ایک اور گانا اپنی والدہ کے ساتھ۔‘
شانزے بشارت یوٹیوب اور فوٹو اینڈ ویڈیو شیئرنگ پلیٹ فارم انسٹاگرام پر اپنے گانوں کی ویڈیوز اور وی وگز اپلوڈ کرتی ہیں۔

س سے قبل رواں سال ستمبر میں شانزے بشارت کی ایک ویڈیو وائرل ہوئی تھی جس میں وہ کچن میں بھنڈیاں کاٹتے ہوئے اپنی والدہ کے ساتھ 1984 میں ریلیز ہونے والے نیئرہ نور کے گانے ’اے جذبہ دل‘ گا رہی تھیں۔

شانزے بشارت کی اپنی والدہ کے ساتھ گانے کی ویڈیو پر صارفین کی جانب سے تبصرے بھی کیے جارہے ہیں۔
ذکی کہتے ہیں کہ ’ماشااللہ، آپ کی آواز میں ہمیشہ عظیم نازیہ حسن کی آواز کی جھلک نظر آتی ہیں۔‘

زینب لکھتی ہیں کہ ’لڑکی، تمہیں نہیں پتا کہ آپ کے غیر ارادی گانے کیسے میرا دن بنا دیتے ہیں۔‘

جنید شفقت نے کہا کہ ’بہت اچھے، آپ کی اپنی سُر بہت مضبوط ہے، ڈھیروں تعریفیں۔‘