وزیر دفاع خواجہ آصف نے کہا ہے کہ آرمی چیف اور چیئرمین جوائنٹ چیفس آف آرمی سٹاف کی تعیناتیاں آئین و قانون کے مطابق ہوئی ہیں۔
جمعرات کو اسلام آباد میں میڈیا سے گفتگو کرتے ہوئے وزیر دفاع خواجہ آصف نے کہا کہ ایڈوائس صدر عارف علوی کو بھجوا دی گئی ہے۔
مزید پڑھیں
-
جنرل عاصم منیر کون ہیں؟Node ID: 720426
انہوں نے امید کا اظہار کیا کہ تعیناتیوں کو صدر سیاسی نقطہ نظر سے نہیں دیکھیں گے اور کوئی تنازع کھڑا نہیں کریں گے۔
ان کا کہنا تھا کہ صدر عارف علوی افواج پاکستان کے سپریم کمانڈر ہیں اور وہ اداروں کو متنازع نہیں بنائیں گے۔
وزیر دفاع نے کہا کہ صدر مملکت قانون اور آئین کے مطابق ایڈوائس کی توثیق کریں گے تاکہ یہ ہیجانی کیفیت آج شام تک ختم ہو جائے۔
ایک سوال کے جواب میں وزیر دفاع کا کہنا تھا کہ وہ کسی خدشے کا اظہار نہیں کرنا چاہتے بلکہ اپنی رائے کا اظہار کر رہے ہیں کہ صدر سمری کی توثیق کریں گے تاکہ ملک اور معیشت ایک سمت میں چلے کیونکہ اس وقت ہر چیز رُکی ہوئی ہے۔
اس سے قبل وزیر دفاع خواجہ آصف نے ٹویٹ کیا تھا کہ ایڈوائس صدر عارف علوی کے پاس چلی گئی ہے اور اب عمران خان کا امتحان ہے کہ وہ ادارے کو مضبوط بنانا چاہتے ہیں یا متنازعہ۔
ایڈوائس صدر علوی کے پاس چلی گئی ھے.اب عمران خان کا امتحان ھے وہ دفاع وطن کے ادارے کو مضبوط بنانا چاہتا ھے یا متنازعہ. صدر علوی کی بھی آزمائش ھے کے وہ سیاسی ایڈوائس پہ عمل کرینگےیاآئینی وقانونی ایڈوائس پہ. بحیثیت افواج کےسپریم کمانڈرادارے کو سیاسی تنازعات سےمحفوظ رکھنا انکا فرض ھے
— Khawaja M. Asif (@KhawajaMAsif) November 24, 2022