Sorry, you need to enable JavaScript to visit this website.

پی ایس ایل: پشاور زلمی نے سنسنی خیز مقابلے کے بعد کراچی کنگز کو ہرا دیا

پشاور زلمی کے کپتان بابر اعظم 68 رنز بنا کر آؤٹ ہوئے (فوٹو: پی ایس ایل ٹوئٹر)
پاکستان سپر لیگ (پی ایس ایل) کے آٹھویں سیزن کے دوسرے میچ میں پشاور زلمی نے سنسنی خیز مقابلے کے بعد کراچی کنگز کو دو رنز سے ہرا دیا۔ 
پشاور زلمی کے 200 رنز کے ہدف کے تعاقب میں کراچی کنگز کی ٹیم مقررہ 20 اوورز میں پانچ وکٹوں کے نقصان پر 197 رنر بنا سکی۔
کراچی کنگز کے کپتان عماد وسیم نے 47 گیندوں پر 80 رنز کی شاندار اننگز کھیلی۔
شعیب ملک 52 رنز بنا کر آؤٹ ہوئے۔
کراچی کی جانب سے میتھوویڈ نے 23، حیدر علی 12 اور قاسم اکرم 7 رنز بنا کر آؤٹ ہوئے۔ شرجیل خان بغیر کوئی رن بنائے پویلین لوٹ گئے۔
پشاور زلمی کی جانب سے جیمز نیشم اور وہاب ریاض نے دو دو اور سلمان ارشاد نے ایک کھلاڑی کو آؤٹ کیا۔
قبل ازیں کراچی کنگز کے کپتان عماد وسیم نے ٹاس جیت کر پشاور زلمی کو پہلے بیٹنگ کی دعوت دی۔
مقررہ 20 اوورز میں پشاور زلمی نے 5 وکٹوں کے نقصان پر 199 رنز بنائے۔
پشاور زلمی کی جانب سے ٹام کوہلر کیڈمور 92 رنز کی شاندار اننگز کھیل کر نمایاں رہے۔
پشاور زلمی کے کپتان بابر اعظم 68 رنز بنا کر آؤٹ ہوئے۔
کراچی کنگز کی جانب سے میر حمزہ، اینڈریو ٹائے، عمران طاہر اور بین کٹنگ نے ایک ایک وکٹ حاصل کی۔
محمد عامر اور عماد وسیم کراچی کنگز کے لیے انتہائی مہنگے بولر ثابت ہوئے۔ عامر 4 اوورز میں 42 جبکہ عماد 3 اوورز میں 42 رنز دے کر کوئی وکٹ حاصل نہ کر سکے۔

کراچی کنگز کے بیٹسمین میتھو ویڈ 12 رنز بنا کر آؤٹ ہوئے (فوٹو: پی ایس ایل ٹوئٹر) 

کراچی کنگز کی پلیئنگ الیون میں عماد وسیم، شرجیل خان، بین کٹنگ، حیدر علی، شعیب ملک، قاسم اکرم، میتھیو ویڈ، اینڈریو ٹائی، محمد عامر، عمران طاہر اور میر حمزہ شامل تھے۔
بابر اعظم، محمد حارث، صائم ایوب، ٹام کوہلر، راجا پکشا، شکیب الحسن، جمی نیشم، وہاب ریاض، خرم شہزاد، سلمان ارشاد اور سفیان مقیم زلمی کی پلیئنگ الیون کا حصہ تھے۔

شیئر: