صفائی کارکن کو دھوپ سے بچانے کے لیے چھتری متعارف

سعودی شہری بدر عسیری نے صفائی کارکنوں کو دھوپ بچانے کے لیے متحرک چھتری متعارف کرائی ہے۔

سبق ویب سائٹ کے مطابق شہری کی اس ایجاد کو خلیجی تعاون کونسل میں درج کردیا گیا ہے۔

بدر عسیری نے کہا ہے کہ ’صفائی کارکنوں کے لیے تیار کی جانے والی چھتری وزن میں کافی ہلکی اور آسان استعمال ہے‘۔

’چھتری کو متعدد طریقوں سے استعمال کیا جاسکتا ہے اور اسے بند بھی کیا جاسکتا ہے‘۔

انہوں نے کہا ہے کہ ’ہم امید رکھتے ہیں کہ کمپنیاں اور ادارے اس اہم ایجاد کو اپنالیں اور اسے وسیع پیمانے پر استعمال کیا جائے‘۔