لندن، پی آئی اے کے طیارے سے منشیات برآمد ہونے کی تحقیقات

لندن... برطانیہ کی نیشنل کرائم ایجنسی نے ہیتھرو ایئرپورٹ پر تلاشی کے دوران پی آئی اے کے طیارے سے منشیات کی برآمد ہونے کی تصدیق کی ہے ۔ طیارے کے عملے کے 13 ارکان ہوٹل میں موجود ہیں تاہم ان کے پاسپورٹس حکام کی تحویل میں ہیں۔ نیشنل کرائم ایجنسی نے ایک بیان میں کہا کہ ہیتھرو ائیرپورٹ پر اسلام آباد سے آنے والی ایک پرواز سے ہیروئین ضبط کئے جانے کے معاملے کی تحقیقات کی جا رہی ہے۔ کوئی گرفتاری عمل میں نہیں آئی،تفتیش جاری ہے۔اس سے قبل پی آئی اے کے ترجمان نے بتایا تھا کہ برطانوی حکام نے ھیارے کی تلاشی لی۔ ایئرلائن کے 13 ملازمین کو پوچھ گچھ کے لئے روکا گیا تاہم انہیں ہوٹل جانے کی اجازت دیدی گئی۔