سعودی خاتون نے 10 سال میں 1600 نوادر جمع کر کے عجائب گھر قائم کر دیا

سعودی عرب میں جازان ریجن کی العیدابی کمشنری میں ایک سعودی خاتون فاطمہ الغزوانی نے تاریخی عجائب گھر قائم کیا ہے جو 1600 سے زیادہ نوادر پر مشتمل ہے اور مسلسل 10 سال کی کاوشوں کا نتیجہ ہے۔

سبق ویب سائٹ کے مطابق فاطمہ الغزوانی کا تاریخی عجائب گھر دستی مصنوعات، ملبوسات، قدیم نوادر، سکوں اور دسیوں برس پرانے نوٹوں پر مشتمل ہے۔ 

فاطمہ الغزوانی نے عجائب گھر کے قیام کے حوالے سے بتایا کہ ’میں نے دیکھا کہ بہت سارے نوادر لوگوں کی نظروں سے اوجھل ہوتے جا رہے ہیں۔ شہری اور غیرملکی جازان ریجن کی ثقافت اور قدیمی ورثے سے واقفیت میں دلچسپی رکھتے ہیں۔ یہی بات عجائب گھرکے قیام کا محرک بنی۔‘

فاطمہ الغزوانی نے بتایا کہ جب عجائب گھر قائم کرنے کا  سوچا تو گھر والوں نے حوصلہ افزائی کی اور وہ دست و بازو بنے رہے۔ مالی مدد بھی دی اور تعاون بھی کیا۔ 

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں