وزیراعظم سے امارات کے قونصل جنرل بخیت عتیق الرومیتی کی ملاقات

پاکستان کے وزیراعظم شہباز شریف سے متحدہ عرب امارات کے قونصل جنرل بخیت عتیق الرومیثی نے ملاقات کی ہے۔

جمعے کو کراچی میں ہونے والی اس ملاقات میں باہمی دلچسپی کے امور پر بات چیت ہوئی۔

ملاقات کے دوران پاکستان میں اور پاکستانیوں کی بیرون ملک سرمایہ کاری کے حوالے سے خصوصی طور پر تبادلہ خیال ہوا۔

یو اے ای کے قونصل جنرل بخیت عتیق الرومیثی نے وزیراعظم کو بتایا کہ متحدہ عرب امارات پاکستانی تاجروں کی حوصلہ افزائی کر رہا ہے۔

 وزیراعظم شہباز شریف نے تعاون پر اماراتی قونصل جنرل کا شکریہ بھی ادا کیا۔