پاکستان کرکٹ بورڈ (پی سی بی) کی جانب سے ملک کے 76ویں یوم آزادی پر سوشل میڈیا پر ایک ویڈیو اپلوڈ کی گئی جس میں پاکستان کرکٹ ٹیم کے تاریخی لمحات اور کامیابیوں کو جھلکیوں کی صورت میں پیش کیا گیا ہے۔
اِس ویڈیو میں 1992 کے ورلڈ کپ سمیت 2009 کے ٹی20 ورلڈ کپ، 2017 کی چیمپیئنز ٹرافی اور سنہ 2000 اور 2012 کے ایشیا کپ کی جھلکیاں دکھانے کے ساتھ ساتھ ٹیم کی بقایا بڑی فتوحات کو بھی دکھایا گیا ہے۔
حیران کُن طور پر اس ویڈیو میں پاکستان کے سابق وزیراعظم اور سابق کپتان عمران خان کو مکمل طور پر نظر انداز کیا گیا ہے۔
پاکستان کرکٹ ٹیم نے 1992 میں جب آئی سی سی کرکٹ ورلڈ کپ جیتا تھا تو اُس وقت ٹیم کے کپتان عمران خان تھے تاہم پی سی بی کی اِس ویڈیو میں 92 کے ورلڈ کپ کے مناظر میں عمران خان کو مکمل طور پر نظر انداز کیا گیا ہے اور ان کی کوئی بھی تصویر یا ویڈیو شامل نہیں کی گئی ہے۔
اسی سلسلے میں سماجی رابطوں کی ویب سائٹ ٹوئٹر پر کرکٹ صارفین اور سابق وزیراعظم کے حامی پی سی بی پر برس پڑے ہیں۔
وجاہت کاظمی نے اپنی ٹویٹ میں لکھا کہ ’پی سی بی کے مطابق عمران خان وجود رکھتے ہی نہیں ہیں۔‘
Imran Khan doesn’t exist according to PCB. https://t.co/OfOr8P7LHo
— Wajahat Kazmi (@KazmiWajahat) August 14, 2023
حجاب زاہد نے اسی سلسلے میں تبصرہ کرتے ہوئے لکھا کہ ’آپ کا صرف ایک ورلڈ کپ جیتنے والا کپتان ہے، صرف ایک۔‘
You have one WC winning captain btw.. only one! https://t.co/aivBezAkLR
— Hijab Zahid (@hijaaaaab) August 14, 2023
اعظم جمیل لکھتے ہیں کہ ’اس سے زیادہ مزید کتنا خوف زدہ ہوں گے؟ یہ سیاست نہیں ہے، یہ پاکستان کرکٹ کی تاریخ ہے۔‘
How insecure could you possibly get ? This is not politics. This is Pakistans cricket history. https://t.co/YaSHtmhFo0
— Azam Jamil اعظم (@AzamJamil53) August 15, 2023
صحافی فیضان لاکھانی تبصرہ کرتے ہوئے کہتے ہیں کہ ’پاکستان کرکٹ کی تاریخ کی بات کرتے ہوئے آپ عمران خان کا ذکر کرنا کیسے بھول سکتے ہیں؟‘
How can you not mention IK when talking about the history of Pakistan cricket? https://t.co/nZEFbjB94Z
— Faizan Lakhani (@faizanlakhani) August 14, 2023
ارحم نے پی سی بی کو شدید تنقید کا نشانہ بناتے ہوئے لکھا کہ ’جتنی مرضی خواہش کر لیں کہ عمران خان نے ورلڈ کپ نہ جیتا ہوتا لیکن آپ اس حقیقت کو نہیں مٹا سکتے کہ عمران خان نے پاکستان کا پہلا اور واحد ون ڈے ورلڈ کپ جیتا ہے۔‘
No matter how much you wish he didn’t, you can’t erase the fact that Imran Khan won Pakistan their one and only 50 over World Cup. https://t.co/KA5N0l2RlN pic.twitter.com/KB6hVbeRTn
— Twitt.Arhum (@arhuml92) August 14, 2023
شہریار اعجاز نے اپنی ٹویٹ میں کہا کہ ’کرکٹ کو سیاست سے بالاتر ہونا چاہیے۔‘
Cricket should be above politics such a shameful act from PCB ignored Imran's contribution. Shame on you. pic.twitter.com/dPQK4i6iFc
— Shaharyar Ejaz (@SharyOfficial) August 14, 2023
The captain who led to our 1992 win acc to PCB: https://t.co/ehobwDOYag pic.twitter.com/UyIuD28iWi
— F (@falahtah) August 14, 2023