آسٹریلیا کی کرکٹ ٹیم انڈیا میں آئی سی سی کرکٹ ورلڈ کپ جیتنے کے بعد وطن واپس پہنچ گئی ہے۔
ورلڈ کپ جیتنے کے بعد انڈیا سے واپسی پوری آسٹریلوی ٹیم کی نہیں ہوئی بلکہ کپتان پیٹ کمنز سمیت کچھ کھلاڑی ہی گھر پہنچے ہیں۔
ورلڈ کپ جیتنے والے سکواڈ میں شامل سٹیو سمتھ، ٹریوس ہیڈ، جوش انگلس، شاون ایبٹ، گلین میسکویل، مارکُس سٹوئنس اور ایڈم زیمپا انڈیا ہی میں موجود ہیں جنہوں نے جمعرات سے انڈیا کے خلاف ٹی20 سیریز کھیلنی ہے۔
مزید پڑھیں
آسٹریلوی ٹیم کے کھلاڑیوں کی وطن واپسی کی ویڈیوز سوشل میڈیا پر وائرل ہیں۔
ویڈیوز میں دیکھا جا سکتا ہے کہ کپتان پیٹ کمنز اپنا سامان اٹھائے ایئرپورٹ پر جا رہے ہیں لیکن ان کا استقبال کرنے کے لیے ایئرپورٹ پر عوام موجود ہی نہیں۔
Pat Cummins back on home soil as a World Cup winning captain #CWC23 pic.twitter.com/0r7MhPmwXZ
— Andrew McGlashan (@andymcg_cricket) November 21, 2023
اس بارے میں سماجی رابطوں کی ویب سائٹ ایکس (ٹوئٹر) پر صارفین کے دلچسپ تبصرے بھی دیکھنے کو مل رہے ہیں۔
فرضی کرکٹر اپنی ٹویٹ میں لکھتے ہیں کہ ’یہ پیٹ کمنز کا ایئرپورٹ پر استقبال ہے۔ ایسے لگتا ہے جیسے آسٹریلیا میں کرکٹ ورلڈ کپ ٹی وی پر نشر ہی نہیں کیا گیا۔‘
This is Pat Cummins' welcome at airport. Looks like cricket World Cup wasn't telecasted in Australia. pic.twitter.com/0y4wihHV7A
— Silly Point (@FarziCricketer) November 22, 2023
بھاسکر سانُو نے اس کے جواب میں لکھا کہ ’یہ ورلڈ کپ کو عام ایونٹ کی طرح لیتے ہیں۔ اسی وجہ سے اِن پر باہر سے کوئی دباؤ نہیں ہوتا۔‘
They took world cup as a normal event, that's why they have no any outside pressure.
— Kirkett (@bhaskar_sanu08) November 22, 2023
سندیپ رمیش نے پیٹ کمنز کی وطن واپسی کی ویڈیو پر تبصرہ کیا کہ ’شاید اُوبر بلائی ہو اور گھر گئے ہوں۔‘
Probably called an Uber and went home.
— Sandeep Ramesh (@SandeepRamesh) November 21, 2023
عرفان نے دلچسپ انداز میں لکھا کہ ’دیسی فیملی میں اس سے زیادہ لوگ اپنے اُس بچے کو ایئرپورٹ سے لینے چلے جاتے ہیں جو بیرون ملک میں کام کرتا ہے اور چھٹیوں میں گھر آتا ہے۔‘
More people than this in a desi family go to the airport just to pick their child who works abroad & comes home during holidays https://t.co/RRpVRrWrPz
— arfan (@Im__Arfan) November 22, 2023
حسن نے مزاحیہ انداز اپناتے ہوئے لکھا کہ ’ورلڈ کپ جیت کر واپس آ رہے ہو؟ شاباش، چلو اب ایئرپورٹ سے کریم بُک کر کے گھر آ جاؤ۔‘
"world cup jeet k wapis aa rahay ho? Well done chalo ab airport sey careem book kar k ghar aa jao." https://t.co/ZDHahbTKsy
— Hassan (@Gotoxytop2) November 22, 2023
بسمہ نے بھی اپنی ٹویٹ میں لکھا کہ ’انہیں جیتنے کی اتنی عادت ہے۔ یہ اِن کے لیے عام سی بات ہے۔‘
They're so used to winning lol. So normal for them https://t.co/tV2keN650A
— Bisma. (@aclockworkcutie) November 22, 2023