قومی مرکز برائے شجرکاری اور مدینہ گورنریٹ کے اشتراک سے مختلف مقامات سے 8 قدیم درختوں کو جڑ سے اکھاڑ کر البیضا کے پارک میں کامیابی سے منتقل کر دیا گیا۔
اخبار 24 کے مطابق پرانے درختوں کو منتقل کرنے کی کارروائی میں تحفظ ماحولیات کی ٹاسک فورس کی ٹیموں نے بھی خصوصی طور پر شرکت کی۔
درختوں کی منتقلی کا مقصد پرانے درختوں کا تحفظ اور انکی بہتر دیکھ بھال کرنا ہے۔ مشترکہ ٹیموں نے مدینہ منورہ کے شاہ سلمان بن عبدالعزیز پارک سے 5 جبکہ الفریش قریہ سے 3 پرانے درختوں کو مدینہ منورہ شہر کے باہر البیضاء کے علاقے کے پارک میں منتقل کردیا۔
منتقلی سے قبل نباتات کے امور کی مخصوص ٹیموں نے تمام درختوں کا جائزہ لینے کے بعد انکی عمر اور نسل کا تعین کرنے کے بعد انہیں دوسرے مقام پر منتقلی کی منظوری جاری کی۔
