ایمریٹس اور فلائی دبئی کے فضائی نیٹ ورک میں 280 سٹیشنوں تک توسیع

متحدہ عرب امارات کی قومی فضائی کمپنی ایمریٹس اور فلائی دبئی نے اپنی پروازوں کی تعداد اور نشستوں کی گنجائش میں اضافے کے بعد اپنے فضائی نیٹ ورک کا دائرہ 280 سٹیشنوں تک پہنچا دیا ہے۔

الامارات  الیوم کے مطابق ایمریٹس کے نیٹ ورک میں 6 براعظموں کے 151 مقامات شامل ہیں جبکہ دنیا کے 70 سے زائد ممالک میں کارگو خدمات ہیں۔

 فلائی دبئی  58 ممالک میں 129 مقامات تک پہنچی ہے۔ ان میں 75 سے زائد ایسے مقامات بھی شامل ہیں جن کا دبئی کے ساتھ پہلے براہ راست فضائی رابطہ نہیں تھا۔

ایمریٹس اپنے مسافروں کو نئی منزلوں تک پہنچانے کے لیے اپنے نیٹ ورک میں 29 مقامات پر آپریشنز شروع کرنے کا فیصلہ کیا ہے۔ ٹوکیو کے ھانیدا ایئرپورٹ اور کینیڈا کے مانٹریال ایئرپورٹ کے لیے بھی پروازوں کا آغاز کیا ہے۔

ایمریٹس نے کوڈ شیئرنگ اور پارٹنر شپ کے معاہدے کیے ہیں۔ اس وقت ایمریٹس 151 انٹرنیشنل سٹیشنز تک اپنی رسائی ممکن بناچکی ہے۔

ایمریٹس یکم اکتوبر سے نائجیریا کے لیے اپنی خدمات دوبارہ شروع کرنے کا ارادہ رکھتی ہے۔ دبئی اور لاگوس کے درمیان یومیہ پرواز چلائی جائے گی ۔ اسی طرح نائجیریا کے بڑے شہروں کو دبئی سے جوڑا جائے گا۔

ایمریٹس نے سکاٹ لینڈ کے دارالحکومت ایڈنبرا کے لیے بھی 4 نومبر سے فضائی سروس دوبارہ شروع کرنے کا اعلان کیا ہے۔ یہ سکاٹ لینڈ کے لیے دوسری یومیہ پرواز ہوگی اس سے قبل گلاسگو کے لیے یومیہ پروازیں چلائی جا رہی تھیں۔

فلائی دبئی 2024 کے آغاز سے سعودی عرب کے شہر الجوف اور بحیرہ احمر کے علاوہ کینیا کے ممباسا، ملائیشیا کے لنکاوی اور پینانگ کے لیے پروازیں شروع کرچکی ہے۔

 اگست اور اکتوبر کے درمیان 4 نئے سٹیشنوں باسل، ریگا، ٹالن اور لیتھوانیا کے شہر ولنیئس کے لیے پروازوں کا آغاز کرنے والی ہے۔

امارات کی خبروں کے لیے ”اردو نیوز یو اے ای“ گروپ جوائن کریں