پاکستان میں سنیچر 7 دسمبر کو سونے کی قیمت کیا رہی؟

پاکستان میں سنیچر کو ایک تولہ سونے کی قیمت میں 300 روپے کی کمی ریکارڈ کی گئی ہے۔

سندھ صرافہ بازار ایسوسی ایشن کے مطابق سنیچر کو 300 روپے کمی کے بعد ملک میں سونے کی فی تولہ قیمت 2 لاکھ 74 ہزار 400 روپے ہو گئی ہے جبکہ جمعے کو اس کی قیمت 2 لاکھ 74 ہزار 700 روپے تھی۔

حالیہ کمی کے بعد 10 گرام سونے کی قیمت میں بھی 257 روپے کی کمی ہوئی ہے جس کے بعد اس کی نئی قیمت 2 لاکھ 35 ہزار 254 روپے ہو گئی ہے۔ اس طرح 22 قیراط سونے کے 10 گرام کی قیمت 2 لاکھ 15 ہزار 650 روپے رہی۔

دوسری جانب فی تولہ چاندی کی قیمت 3,400 روپے اور 10 گرام چاندی کی قیمت 2,914 روپے برقرار رہی۔

ایسوسی ایشن کے مطابق عالمی مارکیٹ میں سونے کی فی اونس قیمت میں 3 ڈالر کی کمی ہوئی ہے جس کے بعد اس کی نئی قیمت 2 ہزار 632 ڈالر ہوگئی ہے۔