آرمی چیف سید عاصم منیر کو ’بیٹن آف فیلڈ مارشل‘ کا اعزاز دے دیا گیا
صدر آصف علی زرداری نے کہا کہ ’ ’جنرل عاصم نے معرکہ حق کے دوران فرنٹ سے لیڈ کیا۔‘ (فوٹو: ویڈیو گریب)
پاکستان کی فوج کے سربراہ سید عاصم منیر کو ایوان صدر میں ’بیٹن آف فیلڈ مارشل‘ دے دی گئی ہے۔
جمعرات کو ایوان صدر میں صدر مملکت آصف علی زرداری اور وزیراعظم شہباز شریف نے سید عاصم منیر کو ’بیٹن آف فیلڈ مارشل‘ کا اعزاز دیا۔
اس موقعے پر خطاب کرتے ہوئے وزیراعظم شہباز شریف نے کہا کہ ’ہماری عسکری قیادت نے دشمن کو بے مثال شکست دے کر اس کا غرور خاک میں ملا دیا۔‘
انہوں نے کہا کہ ’ہم وطن عزیز کے لیے فیلڈ مارشل سید عاصم منیر کی خدمات کو خراج تحسین پیش کرتے ہیں۔‘
تقریب میں وفاقی وزرا، صوبائی قیادت، غیرملکی سفیروں اور اعلیٰ عہدے داروں نے شرکت کی۔
صدر مملکت آصف علی زرادری نے اپنے خطاب میں کہا کہ ’آرمی چیف سید عاصم منیر کو ’فیلڈ مارشل‘ کا اعزاز دینا قابل فخر لمحہ تھا۔‘
انہوں نے کہا کہ ’فیلڈ مارشل سید عاصم منیر نے معرکۂ حق کے دوران فرنٹ سے لیڈ کیا۔‘
انڈیا سنجیدگی دکھائے تو بات چیت کے لیے تیار ہیں: اسحاق ڈارNode ID: 890013
