اب تک 8 لاکھ 90 ہزار عازمین حج ارض مقدس پہنچ گئے
’سب سے زیادہ عازمین ہوائی راستے سے آئے ہیں جن کی تعداد 8 لاکھ 46 ہزار 415 ہے‘ (فوٹو: واس)
وزارت حج و عمرہ نے کہا ہے کہ کل جمعہ 25 ذو القعدہ تک بیرون ملک سے آنے والے عازمین حج کی تعداد 8 لاکھ 90 ہزار 883 سے زائد ہوچکی ہے۔
سبق ویب سائٹ کے مطابق وزارت نے کہا ہے کہ ’سب سے زیادہ عازمین ہوائی راستے سے آئے ہیں جن کی تعداد 8 لاکھ 46 ہزار 415 ہے‘۔
’زمینی راستوں سے 41 ہزار 646 عازمین آئے جبکہ سمندری راستوں کے ذریعے آنے والے عازمین کی تعداد 2822 رہی‘۔
وزارت نے کہا ہے کہ ’یہ سب ایک مربوط نظام کے تحت انجام دیا گیا ہے جس کی نگرانی حکومتی، سیکیورٹی اور خدمات فراہم کرنے والے اداروں کے ماہرین کر رہے ہیں‘۔
محکمہ پاسپورٹ نے فضائی، بری اور بحری پورٹس پر عازمین کے داخلے کے طریقہ کار کو آسان بنانے کے لیے تمام صلاحیتوں کو بروئے کار لانے کے عزم کا اعادہ کیا ہے۔
یاد رہے کہ سعودی عرب کے تمام بین الاقوامی پورٹس کے امیگریشن ہالز میں کوالیفائیڈ عملہ اور جدید تیکنیکی ڈیوائسز موجود ہیں۔
1943 میں امریکی جریدے کی حج کی رپورٹNode ID: 890094
