برطانیہ سے پہلی پرواز، 142 عازمین حج جدہ ایئرپورٹ پہنچ گئے

 برطانیہ سے 142عازمین حج کو لے کر پہلی پرواز سنیچر کو جدہ کے کنگ عبدالعزیز انٹرنیشنل ایئرپورٹ پہنچ گئی۔

ایس پی اے کے مطابق جدہ میں برطانوی قونصل جنرل، جدہ ایئرپورٹ، سرکاری اور آپریشنل اداروں کے حکام نے عازمین حج کا خیرمقدم کیا۔

جدہ ایئرپورٹ پر حج 2025 کے لیے جامع آپریشنل پلان پرعملدرآمد اور داخلے کے طریقہ کار کو آسان بنانے کے لیے تمام وسائل استعمال کیے جا رہے ہیں۔

کنگ عبدالعزیز ائیرپورٹ اور حج ٹرمنل پر سدایا کی جانب سے تکنیکی امور کی فراہمی کو یقینی بنایا جاتا ہے تاکہ عازمین کی آمد کے وقت ان کا ڈیٹا محفوظ طریقے سے جمع کیا جاسکے۔

یاد رہے کہ  بیرون ملک سے اب تک 8 لاکھ 90 ہزار 883  سے زیادہ عازمین حج سعودی عرب پہنچ چکے ہیں۔

محکمہ پاسپورٹ نے فضائی، بری اور بحری پورٹس پر عازمین کے داخلے کے طریقہ کار کو آسان بنانے کے لیے تمام صلاحیتوں کو بروئے کار لانے کے عزم کا اعادہ کیا ہے۔

 سعودی عرب کے تمام بین الاقوامی پورٹس کے امیگریشن ہالز میں کوالیفائیڈ عملہ اور جدید تیکنیکی ڈیوائسز موجود ہیں۔