مناسکِ حج کا آغاز ، منی کی خیمہ عارضی بستی لاکھوں حجاج سے آباد

حج 1446 ہجری بمطابق 2025  کے مناسک کا آغاز ہو چکا ہے ۔ اندرون و بیرون مملکت سے آنے والے لاکھوں حجاج مکہ مکرمہ سے قافلوں کی صورت میں مرحلہ وار منگل کی شب وادی منی پہنچنا شروع ہوگئے ۔

تفصیلات کے مطابق اندرون مملکت سے آنے والے حجاج کے قافلے7 ذی الحجہ کی شام گئےتک مکہ مکرمہ پہنچے جبکہ بیرون مملکت کے حجاج جو پہلےہی مکہ مکرمہ میں موجود تھے انہیں ان بسوں اورمشاعر مقدسہ ٹرین کےذریعے وادی منی کی عارضی خیمہ بستی میں منتقل کیا گیا۔

انتظامیہ کی جانب سے حجاج کی نقل و حمل کو منظم رکھنے کےلیے مرحلہ وار منی منتقلی کا شیڈول جاری کیا گیا ہے جس کا مقصد حجاج کی نقل وحرکت کو بہتر بنانا اور غیر ضروری ازدحام پر قابو رکھنا ہے۔

منی میں حجاج کی آمد سے قبل ہی تمام انتظامات مکمل کر لیے گئے تھے۔ مشاعر مقدسہ ریلوے اسٹیشنوں پر رضا کار اور اسکاوٹس متعین ہیں جو حجاج کی رہنمائی میں مصروفِ عمل ہیں۔

مکہ مکرمہ سے وادی منی جانے والے راستوں پر سیکیورٹی اہلکارموجود ہیں جو حج پرمٹ کی سختی سے چیکنگ کرتے ہیں۔ پرمٹ کے بغیر کسی کو مشاعر مقدسہ میں جانے کی اجازت نہیں۔

سات ذی الحجہ کو حجاج کی بڑی تعداد وقفے وقفے منی میں آتی رہی جہاں انہوں نے مختلف مقامات پر یادگاری تصاویر بنانے میں گزاری۔